ଭୁବନେଶ୍ବର: ସାହି ବସ୍ତିରେ କୋରୋନା ସଚେତନତା କରୁଛି ସ୍ବେଚ୍ଛାସେବୀ ସଂଗଠନ । ଦିନକୁ ଦିନ ରାଜଧାନୀରେ କୋରୋନା ସଂକ୍ରମଣଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଯାହା ଉଦବେଗ ଜନକ ପରିସ୍ଥିତ ସୃଷ୍ଟି ନେଇ ଆଶଙ୍କା ସୃଷ୍ଟି ହୋଇଛି । ଏ ନେଇ ପ୍ରଶାସନ ଠାରୁ ସାଧାରଣ ଜନତା ମଧ୍ୟ ଚିନ୍ତାରେ ରହିଛନ୍ତି ।
ସରକାର ବିଭିନ୍ନ କଟକଣା ଜାରି କରିବା ସହିତ ଲୋକମାନଙ୍କୁ ସଚେତନ କରାଉ ଥିଲେ ମଧ୍ୟ ଲୋକମାନେ ଏହାକୁ ମାନୁନଥିବା ଦେଖାଯାଇଛି । ରାଜ୍ୟରେ ଲୋକମାନଙ୍କୁ ମହାମାରୀ କୋରୋନାକୁ ନେଇ ସଚେତନ କରିବାକୁ ବିଶ୍ବ ମାନବାଧିକାର ସୁରକ୍ଷା ସଂଗଠନ ଆଗକୁ ଆସିଛି । ରାଜ୍ୟର ବିଭିନ୍ନ ସ୍ଥାନରେ ଏପରି କାର୍ଯ୍ୟକ୍ରମ କୋରୋନା ଆରମ୍ଭ ହେବା ଠାରୁ କୋରୋନାକୁ ନେଇ ସଚେତନତା କରୁଛନ୍ତି । ରାଜଧାନୀରେ ବିଭିନ୍ନ ସାହି ଓ ବସ୍ତି ଅଞ୍ଚଳରେ ଶୋଭାଯାତ୍ରା କରି ବିଭିନ୍ନ ସ୍ଲୋଗାନ ଦେଇ କୋରୋନାର ଭୟାବହତା ବିଷୟରେ ଲୋକଙ୍କୁ ସଚେତନତା କରୁଛନ୍ତି ।
ଲୋକମାନଙ୍କୁ ସରକାରଙ୍କ କୋରୋନା ଗାଇଡଲାଇନ ମାନିବା ସହ ମାସ୍କ ପରିଧାନ ସାମାଜିକ ଦୂରତା ନିୟମ ପାଳନ ପାଇଁ ଲୋକଙ୍କୁ ସଚେତନା ସୃଷ୍ଟ କରୁଛନ୍ତି । ଏହା ସହିତ ଗଳି ଓ ବସ୍ତି ଅଞ୍ଚଳରେ ଘର ଘର ବୁଲି ସାନିଟାଇଜ ମଧ୍ୟ କରୁଥିବା କହିଛନ୍ତି ଅନୁଷ୍ଠାନର ରାଷ୍ଟ୍ରୀୟ ଅଧ୍ୟକ୍ଷ ଡ. ଅଭିନ୍ନ ହୋତା କହିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ,ଇଟିଭି ଭାରତ
