ଭୁବନେଶ୍ବର: ଧରାପଡିଲା କଣ୍ଟ୍ରାକ୍ଟ କିଲର ସମ୍ପଦର ସହଯୋଗୀ । କଟକ ଟାଙ୍ଗୀରୁ ସହଯୋଗୀ ପ୍ରଶାନ୍ତ ଦାସକୁ ଗିରଫ କଲା ନୟାପଲ୍ଲୀ ଥାନା ପୋଲିସ । ଯେ କି ନୟାପଲୀରେ ବ୍ୟବସାୟୀଙ୍କୁ ହତ୍ୟା ପାଇଁ ସୁପାରୀ ନେଇଥିଲେ । ରିମାଣ୍ଡରେ ଆସିବା ପରେ ପ୍ରଶାନ୍ତ ସଂପର୍କରେ ନୟାପଲ୍ଲୀ ପୋଲିସକୁ ସୂଚନା ଦେଇଥିଲା ସମ୍ପଦ । ତେବେ ଗିରଫ ପରେ ରିମାଣ୍ଡରେ ନେବାକୁ ପୋଲିସ ଯୋଜନା କରିଛି ।
କଣ୍ଟ୍ରାକ୍ଟ କିଲର ସହଯୋଗୀ ଗିରଫ, ରିମାଣ୍ଡରେ ନେଲେ ଜଣାପଡିବ ହତ୍ୟାର ପ୍ଲାନ
ପ୍ରକାଶ ଥାଉକି, ଗତ ୨୮ ତାରିଖ ଦିନ ରାଜଧାନୀରୁ ଧରାପଡିଥିଲା କୁଖ୍ୟାତ ସୁପାରି କିଲର ସମ୍ପଦ ସାହୁ। ଭୁବନେଶ୍ବର ନୟାପଲ୍ଲୀ ଥାନା ପୋଲିସ ତାକୁ ଧରିଥିଲା । ଠିକ ସମୟରେ ପୋଲିସକୁ ଚକମା ଦେଇ ଫେରାର ହୋଇଯାଇଥିଲା ସହଯୋଗୀ ପ୍ରଶାନ୍ତ କୁମାର ଦାସ ।
କାହା ଜରିଆରେ ସୁପାରୀ ନେଇ ଏଭଳି ଏକ ହତ୍ୟାର ଷଡଯନ୍ତ୍ର ରଚିଥିଲେ ଦୁଇ ଅପରାଧୀ । ଏନେଇ ଗିରଫ ଅଭିଯୁକ୍ତ ପ୍ରଶାନ୍ତକୁ ରିମାଣ୍ଡରେ ନେଲେ ହତ୍ୟାର କାହାଣୀ ଜଣାପଡିବ, ହତ୍ୟା ପଛରେ କିଏ ଥିଲା ଟାର୍ଗେଟ ଓ କିଏ ଦେଇଥିଲା ସୁପାରୀ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
