କଟକ:ମମିତା ମେହେର ହତ୍ୟା ଘଟଣାରେ ଛାତ୍ର କଂଗ୍ରେସ ର ପ୍ରତିବାଦ ସମୟରେ ପୋଲିସର ଲାଠିମାଡ଼ । ଭୁବନେଶ୍ୱର କଂଗ୍ରେସ ଭବନ ଭିତରେ ପଶି ପୋଲିସ ର ମାତ୍ରାଧିକ କାର୍ଯ୍ୟାନୁଷ୍ଠାନ ଓ ଆକ୍ରମଣ ପ୍ରତିବାଦ ରେ ସାରା ରାଜ୍ୟରେ କଂଗ୍ରେସ ସମସ୍ତ ଏସ ପି ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିଛି।
କଟକ ନଗର ଜିଲା କଂଗ୍ରେସ ପକ୍ଷରୁ ଡିସିପି ଅଫିସ ସମ୍ମୁଖରେ ମଧ୍ୟ ବିକ୍ଷୋଭ ପ୍ରଦର୍ଶନ କରାଯାଇଥିଲା।ନଗର ସଭାନେତ୍ରୀ ଗିରିବାଳା ବେହେରା ଙ୍କ ନେତୃତ୍ୱରେ ଯୁବ ଓ ମହିଳା କଂଗ୍ରେସ ଙ୍କ ପକ୍ଷରୁ ଧାରଣ ଦିଆଯାଇ ରାଜ୍ୟପାଳଙ୍କ ଉଦେଶ୍ୟ ରେ ଡିସିପି ଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି।ସେପଟେ ଜିଲ୍ଲା କଂଗ୍ରେସ ପକ୍ଷରୁ ମଧ୍ୟ କଟକ ଗ୍ରାମାଞ୍ଚଳ ଏସପି ଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା।କେଉଁ ଅଧିକାରରେ ଏକ ଜାତୀୟ ଦଳର ଦଳୀୟ ଅଫିସ ଭିତରୁକୁ ପ୍ରବେଶ କରିବା ଓ ଅସମ୍ବିଧାନିକ ଢଙ୍ଗରେ ପୋଲିସ ର ଏଭଳି କାର୍ଯ୍ୟ ଶୈଳୀ କୁ ନିନ୍ଦା କରିଥଲା କଂଗ୍ରେସ।ତେବେ ମୁଖ୍ୟମନ୍ତ୍ରୀ ଓ ପୋଲିସ କମିଶନର କ୍ଷମା ମାଗନ୍ତୁ ବୋଲି କଂଗ୍ରେସ ଦାବି କରିଛି।
କଟକରୁ ନାରାୟଣ ସାହୁ,ଇଟିଭି ଭାରତ
