ଭୁବନେଶ୍ବର: ଓଡିଶା ଗସ୍ତରେ ଆସିଛନ୍ତି କଂଗ୍ରେସ ପ୍ରଭାରୀ ଚେଲ୍ଲା କୁମାର । ଏନେଇ ରାଜ୍ୟ କଂଗ୍ରେସ ପକ୍ଷରୁ ଆସନ୍ତା ୩୧ ଓ ୧ ତାରିଖରେ ଦଳର ନେତା ଓ କର୍ମୀଙ୍କୁ ନେଇ କଂଗ୍ରେସ ଭବନଠାରେ ଦୁଇଦିନିଆ ଓରିଏଣ୍ଟେସନ କାର୍ଯ୍ୟକ୍ରମ ଅନୁଷ୍ଠିତ ହେବ । ଆଉ ଏହି କାର୍ଯ୍ୟକ୍ରମକୁ ନିଖିଳ ଭାରତ କଂଗ୍ରେସ କମିଟିର ସାଧାରଣ ସମ୍ପାଦକ ଏ. ଚେଲା କୁମାର ଉଦ୍ଘାଟନ କରିବା ସହ ଏହି କାର୍ଯ୍ୟକ୍ରମ ଗସ୍ତ ନେଇ ସୂଚନା ଦେଇଛନ୍ତି ।
ଓଡିଶା ଗସ୍ତରେ କଂଗ୍ରେସ ପ୍ରଭାରୀ ଚେଲ୍ଲା, ନେତା ଓ କର୍ମୀଙ୍କ ସହ କରିବେ ଆଲୋଚନା
ତେବେ ସେପ୍ଟେମ୍ବର 16ରୁ ରାଜ୍ୟ ପରିକ୍ରମା କରିବେ ରାଜ୍ୟ କଂଗ୍ରେସ ପ୍ରଭାରୀ ଡ଼ ଚେଲ୍ଲା କୁମାର । ପ୍ରଥମେ 16ରୁ ନୂଆପଡା ଜିଲ୍ଲାରୁ ଆରମ୍ଭ ହେବ ଏହି କାର୍ଯ୍ୟକ୍ରମ । ପ୍ରତ୍ୟେକ ଜିଲ୍ଲାର ଜିଲ୍ଲା କମିଟି,ବ୍ଲକ କମିଟି ଏବଂ ପଞ୍ଚାୟତ କମିଟିର ନେତା କର୍ମୀଙ୍କ ସହ ବୈଠକ ମାଧ୍ୟମରେ ଆଲୋଚନା କରିବେ । ସେପଟେ ତାରା ଓ ନିରଞ୍ଜନଙ୍କ ବିବାଦର ଆପୋଷ ସମାଧାନ ହୋଇସାରିଛି, ଆଉ ଏନେଇ ସାଂସଦ ସପ୍ତଗିରି ଉଲାକାଙ୍କ ଘରେ ବସି ସମାଧାନ ଦେଇଥିବା ନେଇ ସୂଚନା ମିଳିଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
