ଭୁବନେଶ୍ବର: କୋରୋନାକୁ ନେଇ ରାଜ୍ୟ ସରକାର ବିଭିନ୍ନ ନିର୍ଦ୍ଦେଶ ଜାରି କରିଛନ୍ତି । ସରକାରଙ୍କ ନିର୍ଦ୍ଦେଶ ଉପଦେଶକୁ ରାଜ୍ୟବାସୀ ମାନିକି ଚଳନ୍ତୁ । ଏହାସହ ରବିଋତୁରେ ଚାଷୀ ମାନେ ଅନେକ ହଇରାଣ ହରକତ୍ ହୋଇଛନ୍ତି । ଆର୍ଥିକ କ୍ଷତି ସହିଛନ୍ତି । ଖରିପ ଋତୁ ଆରମ୍ଭ ହୋଇଯାଇଛି । ଚାଷୀ ମାନେ ଚାଷ କରିବେ କେମିତି ବୋଲି କହିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।
ଖରିଫ ଚାଷ ପାଇଁ ଚାଷୀଙ୍କୁ ଆର୍ଥିକ ସହାୟତା ପାଇଁ କଂଗ୍ରସର ଦାବି
ସେମାନଙ୍କ ପାଖରେ ବିହନର ଅଭାବ ରହିଛି । କିପରି ଖରିଫ ଚାଷ ହେବ ସେନେଇ ରାଜ୍ୟ ସରକାର ବନ୍ଦୋବସ୍ତ କରନ୍ତୁ । ଏପ୍ରିଲ ମାସ ଶେଷ ସୁଦ୍ଧା ଚାଷୀ ମାନେ କିପରି ବିହନ ଓ ଆବଶ୍ୟକୀୟ ସାର ପାଇବେ ସେନେଇ ବ୍ୟବସ୍ଥା କରନ୍ତୁ ବୋଲି ସେ ଦାବି କରିଛନ୍ତି ।
ଏହାସହ ଆର୍ଥିକ ସାହାଯ୍ୟ ମଧ୍ୟ ରାଜ୍ୟ ସରକାର ଯୋଗାଇ ଦିଅନ୍ତୁ ବୋଲି ନିରଞ୍ଜନ କହିଛନ୍ତି । ଏହାସହ ସରକାର ଚାଷୀ ଋଣ ଛାଡ କରିବା ଉପରେ ନିଷ୍ପତ୍ତି ନିଅନ୍ତୁ । ଗାଁ ରେ ରହୁଥିବା ଚାଷୀ ମାନଙ୍କ ଅନେକ ସମସ୍ୟା ରହୁଛି ତାର ସମାଧାନ କରାଯାଉ ବୋଲି ନିରଞ୍ଜନ କରିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
