ଭୁବନେଶ୍ବର: କୋଟିଆ ପ୍ରସଙ୍ଗକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଲା କଂଗ୍ରେସ । କୋଟିଆ ଅଞ୍ଚଳରେ ଆନ୍ଧ୍ର ପଞ୍ଚାୟତ ନିର୍ବାଚନ କରୁଛି । ଏହାକୁ ରାଜ୍ୟ ସରାକରଙ୍କ ପକ୍ଷରୁ ତୀବ୍ର ବିରୋଧ କରାଯାଉଥିଲେ ମଧ୍ୟ ଘଟଣାକୁ ନେଇ କଂଗ୍ରେସ ସରକାରଙ୍କୁ କଡା ସମାଲୋଚନା କରିଛି । ରାଜ୍ୟ ସରକାରଙ୍କ ଓଡିଶା ପ୍ରତି ଥିବା ଅନ୍ତରିକତା ଉପରେ ପ୍ରଶ୍ନ କରି ତାଙ୍କ ମନମୁଖୀ କାର୍ଯ୍ୟ ପାଇଁ ଏଭଳି ଘଟିଥିବା ପିସିସି ସଭାପତି ନିରଞ୍ଜନ ପଟ୍ଟନାୟକ ଅଭିଯୋଗ କରିଛନ୍ତି ।
ଦୀର୍ଘ ବର୍ଷ ଧରି କୋଟିଆ ଅଞ୍ଚଳକୁ ନେଇ ଅନେକ ମାମଲା ରହିଛି । କୋଟିଆ ଓଡିଶାର ହୋଇଥିବାବେଳେ ପ୍ରଥମ ଥର ପାଇଁ ଆନ୍ଧ୍ର ନିର୍ବାଚନ କମିଶନ ତିନୋଟି ଗ୍ରାମରେ ପଞ୍ଚାୟତ ନିର୍ବାଚନ ପାଇଁ ଘୋଷଣା କରିଛି । ଏଥିରୁ ସ୍ପଷ୍ଟ ହେଉଛି ରାଜ୍ୟ ସରକାର ରାଜ୍ୟର ଜମିକୁ ମଧ୍ୟ ସୁରକ୍ଷା ଦେଇ ପାରୁନାହାନ୍ତି । ଆହୁରିମଧ୍ୟ ମହାନଦୀ ଜଳ ପ୍ରସଙ୍ଗକୁ ନେଇ ଜଳ ଏବଂ ଜଙ୍ଗଲକୁ ମଧ୍ୟ ସରକାର ସୁରକ୍ଷା ଦେଇପାରୁନଥିବା କହିଛି କଂଗ୍ରେସ । ରାଜ୍ୟ ସରକାରଙ୍କ ଏଭଳି ମନମୁଖୀର ଫଳସୂରପ ଆଜି କୋର୍ଟର ଦ୍ବାରସ୍ଥ ହେବାକୁ ପଡୁଛି ବୋଲି ଦଳ ଅଭିଯୋଗ କରିଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
