ଭୁବନେଶ୍ବର: କୋରୋନା ଯୋଦ୍ଧାଙ୍କ ସମାନାର୍ଥେ ସାରା ରାଜ୍ୟ ‘ବନ୍ଦେ ଉତ୍କଳ ଜନନୀ’ ଗାଇବ । ଶନିବାର ସନ୍ଧ୍ୟା 5.30ରେ ସାମାଜିକ ଦୂରତାକୁ ମାନି ଏକା ସ୍ବରରେ ଗାଁରୁ ସହର ସମସ୍ତ ‘ବନ୍ଦେ ଉତ୍କଳ ଜନନୀ’ ଗାନ କରିବାକୁ ମୁଖ୍ୟମନ୍ତ୍ରୀଙ୍କ ଆହ୍ବାନ କରିଛନ୍ତି । ତେବେ ମୁଖ୍ୟମନ୍ତ୍ରଙ୍କ ଏହି ଆହ୍ବାନକୁ କଂଗ୍ରେସ ନେତା ପଞ୍ଚାନନ କାନୁନଗୋ ସମର୍ଥନ ଜଣାଇବା ସହ ମୁଖ୍ୟମନ୍ତ୍ରୀ ପ୍ରଥମେ ଗାଆନ୍ତୁ ବୋଲି ଦାବି କରିଛନ୍ତି ।
ପଞ୍ଚାନନ କହିଛନ୍ତି ଯେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲୋକସେବା ଭବନ କିମ୍ବା ବିଧାନସଭା ସମ୍ମୁଖରେ ସାମାଜିକ ଦୂରତାକୁ ପାଳନ କରି ‘ବନ୍ଦେ ଉତ୍କଳ ଜନନୀ’ ପ୍ରଥମେ ଗାନ କରନ୍ତୁ । ତେବେ କେବଳ ସେ ନୂହଁନ୍ତି ସମସ୍ତ ବିରୋଧୀଙ୍କ ସାଥିରେ ଧରି ଗାଅନ୍ତୁ ବୋଲି ପଞ୍ଚାନନ ଦାବି କରିଛନ୍ତି । ଏହା ଦ୍ବାରା ସାରା ବିଶ୍ବ ଓଡିଶାବାସୀଙ୍କ ଏକତା ଦେଖିବା ବୋଲି ପଞ୍ଚାନନ ଆଶା ବ୍ୟକ୍ତ କରିଛନ୍ତି । ତେବେ ପଞ୍ଚାନନଙ୍କ ଆଶା ଶନିବାର ମୁଖ୍ୟମନ୍ତ୍ରୀ ସମସ୍ତ ବିରୋଧୀଙ୍କ ସାଙ୍ଗରେ ଧରି ସମାଜିକ ଦୂରତା ମାନି ‘ବନ୍ଦେ ଉତ୍କଳ ଜନନୀ’ ଗାନ କରିବେ ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
