ଭୁବନେଶ୍ବର: ଆଉ ଦିନ କେଇଟା ପରେ ଉପନିର୍ବାଚନ । ଜମୁଛି ପ୍ରଚାର । ସରଗରମ ହେଉଛି ଉପନିର୍ବାଚନ ତାତି । ପ୍ରଚାର ମଇଦାନରେ ତିନି ପ୍ରମୁଖ ଦଳର ହେଭିୱେଟ । ବାଲେଶ୍ବର ଉପନିର୍ବାଚନ ପାଇଁ ଗୁରୁବାର ପ୍ରଚାର କରିବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ।
ଅପରାହ୍ନରେ ଭର୍ଚୁଆଲ ପ୍ରଚାର କରିବେ ମୁଖ୍ୟମନ୍ତ୍ରୀ । ତିର୍ତ୍ତୋଲ ଭଳି ବାଲେଶ୍ଵରବାସୀଙ୍କୁ ମାଗିବେ ଭୋଟ । ନଭେମ୍ବର ୩ରେ ବାଲେଶ୍ବର ଓ ତିର୍ତ୍ତୋଲ ପାଇଁ ଭୋଟଗ୍ରହଣ ହେବ। ଗତ ବୁଧବାର ତିର୍ତ୍ତୋଲ ପାଇଁ ଭର୍ଚୁଆଲ ପ୍ରଚାର କରିଥିଲେ ନବୀନ । ବାଲେଶ୍ୱର ସଦର ଆସନ ପାଇଁ ବିଜେଡି ଜୋରଦାର ପ୍ରସ୍ତୁତି କରିଛି । ଏହି ଉପ ନିର୍ବାଚନର ଦାୟିତ୍ବରେ ଥିବା ବିଜେଡି ନେତା ମାନେ ମୁଖ୍ୟମନ୍ତ୍ରୀଙ୍କ ଡିଜିଟାଲ ପ୍ରଚାର ପାଇଁ ପ୍ରସ୍ତୁତି ଜୋରଦାର କରିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
