ଭୁବନେଶ୍ବର:କେନ୍ଦ୍ର ସରକାରଙ୍କ ଭଳି ଓଡିଶା ସରକାର ମଧ୍ୟ କାର୍ଯ୍ୟରତ ସ୍ୱାସ୍ଥ୍ୟ କର୍ମୀଙ୍କ ପାଇଁ ଘୋଷଣା କରିଛନ୍ତି ସ୍ବାସ୍ଥ୍ୟ ବୀମା । କୋରୋନା ମୁକାବିଲା କରୁଥିବା ତଥା ସେବାରେ ନିୟୋଜିତ କୌଣସି ସ୍ବାସ୍ଥ୍ୟ କର୍ମୀଙ୍କ ମୃତ୍ୟୁ ଘଟିଲେ ମିଳିବ 50 ଲକ୍ଷ ଟଙ୍କାର ଅର୍ଥ । ଏନେଇ ଏକ ଭିଡ଼ିଓ ମାଧ୍ୟମରେ ବାର୍ତ୍ତା ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ସେହିପରି ମୃତ୍ୟୁ ପରେ ମଧ୍ୟ ଚାକିରିର ଶେଷ ପର୍ଯ୍ୟନ୍ତ ମିଳିବ ଦରମା ମିଳିବା ସହ ଚାକିରି ପରେ ପରିବାରଲୋକଙ୍କୁ ପେନସନ ମିଳିବା ନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । କୋରୋନା ପାଇଁ ନିୟୋଜିତ ସ୍ବାସ୍ଥ୍ୟକର୍ମୀଙ୍କ କାର୍ଯ୍ୟରେ ଯଦି କୌଣସି ବ୍ୟକ୍ତି ବାଧା ଦିଅନ୍ତି ତେବେ ସାମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବା ନେଇ ମଧ୍ୟ ନିର୍ଦ୍ଦେଶ ଦେଇଛନ୍ତି ନବୀନ ।
ଅନ୍ୟପଟେ କୋରୋନା ଚିକିତ୍ସା ବେଳେ ମୃତ୍ୟୁ ଘଟିଲେ ଡାକ୍ତର ନର୍ସଙ୍କ ରାଜ୍ୟ ମର୍ଯ୍ୟାଦାର ସହ ହେବ ଶେଷକୃତ୍ୟ, ଜାତୀୟ ଦିବସରେ ମିଳିବ ସମ୍ମାନ। ଉଭୟ ଘରୋଇ ଓ ସରକାରୀ ଡାକ୍ତର ଓ ସ୍ବାସ୍ଥ୍ୟକର୍ମୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ ବଡ ଘୋଷଣା ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
