ଭୁବନେଶ୍ବର:ରାଜଧାନୀରେ ଛୁଆ ବିକ୍ରି ଅଭିଯୋଗ । ୧୦ ଦିନର ଛୁଆକୁ ୧୦ ହଜାରରେ ବିକ୍ରି ହୋଇଥିବା ଓସିପିସିଆର ନିକଟରେ ଚାଇଲ୍ଡ ଲାଇନର ଅଭିଯୋଗ ହୋଇଛି । ଏନେଇ ଘଟଣାର ତଦନ୍ତ ପାଇଁ ଚାଇଲ୍ଡ ଲାଇନ ଚିଠି ଲେଖିଛି ।
ଜଣେ ଦଲାଲ ଜରିଆରେ ଏଭଳି ଏକ ଛୁଆ ବିକ୍ରିର ଭିଡିଓ ଭାଇରାଲ ହେଉଛି । ଭିଡିଓରେ ଛୁଆକୁ ବିକ୍ରି କରାଯାଉଥିବା ଓ ଦଲାଲ ଡିଲ କରୁଥିବାର ଦେଖିବାକୁ ମିଳୁଛି । ଯାହାକୁ ଭିତ୍ତିକରି ଘଟଣାସ୍ଥଳକୁ ଯାଇ ତଦନ୍ତ କରିବ ବୋଲି ଓସିପିସିଆରକୁ ଜଣାଇଛି ଚାଇଲ୍ଡ ଲାଇନ । ଏନେଇ ଆଜି(ଶନିବାର) ତଦନ୍ତ କରିବ ଚାଇଲ୍ଡ ଲାଇନ ଟିମ । ପ୍ରକୃତରେ ଛୁଆ ବିକ୍ରି ହୋଇଛି କି ନାହିଁ ସେନେଇ ତଦନ୍ତ ଆରମ୍ଭ କରିବ । ଯଦି ହୋଇଥାଏ ତେବେ ଜୁଭେନାଇଲ ଜଷ୍ଟିସ ଆକ୍ଟ ଧାରା ୮୦ ଓ ୮୧ ଆଧାରରେ ଦୋଷୀକୁ ଦଣ୍ଡ ଦିଆଯିବ । ଏନେଇ ଭୁବନେଶ୍ବର ଡିସିପିଙ୍କୁ ମଧ୍ୟ ଜଣା ଯାଇଥିବା ଚାଇଲ୍ଡ ଲାଇନ ସଦସ୍ୟ ବେଣୁଧର ସେନାପତି ସୂଚନା ଦେଇଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
