ଭୁବନେଶ୍ବର: ରାସ୍ତାରେ ଫସି ରହିବା ଯୋଗୁଁ ଆମ୍ବୁଲାନ୍ସରେ 5 ବର୍ଷର ଶିଶୁ ଆଖି ବୁଝିବା ଘଟଣା । ରାଜ୍ୟ ମାନବାଧିକାର କମିଶନଙ୍କ ନିକଟରେ ଦ୍ବାରସ୍ଥ ହୋଇଛନ୍ତି ମାନବାଧିକାର କର୍ମୀ ପ୍ରଦୀପ୍ତ ନାୟକ । ମୃତକଙ୍କ ପରିବାରକୁ 10ଲକ୍ଷ ଟଙ୍କା ଦେବାକୁ ସେ ଦାବି କରିଛନ୍ତି ।
ରାସ୍ତାରେ ଆମ୍ବୁଲାନ୍ସ ଫସି ରହିବା ଯୋଗୁଁ ଶିଶୁ ମୃତ୍ୟୁ ଘଟଣାକୁ ନେଇ କ୍ୟାପିଟାଲ ହସ୍ପିଟାଲ କର୍ତ୍ତୃପକ୍ଷ, ସ୍ବାସ୍ଥ୍ୟ ସଚିବ, କମିଶନରେଟ ପୋଲିସ, ଟ୍ରାଫିକ ଡିସିପିଙ୍କୁ ସପ୍ତାହେ ମଧ୍ୟରେ ରିପୋର୍ଟ ଦେବାକୁ ମାନବାଧିକାରଙ୍କ ନିକଟରେ ଅନୁରୋଧ କରିଛନ୍ତି ପ୍ରଦୀପ୍ତ ନାୟକ ।
ସେ ପିଟିସନରର ଦର୍ଶାଇଛନ୍ତି, କ୍ୟାପିଟାଲ ହସ୍ପିଟାଲକୁ ଚିକିତ୍ସା ପାଇଁ ଆସୁଥିବା ଶିଶୁ ମାନଙ୍କର ଚିକିତ୍ସାରେ ଅବହେଳା କରାଯାଉଛି । ରାଜ୍ୟରେ ଏକ ପ୍ରମୁଖ ହସ୍ପିଟାଲରେ ଜରୁରୀକାଳୀନ ଚିକିତ୍ସା ମିଳିପାରୁନାହିଁ । ଯାହାଫଳରେ ରୋଗୀମାନଙ୍କୁ ଅନ୍ୟ ଏକ ହସ୍ପିଟାଲକୁ ରେଫର କରାଯାଉଛି । ନିଜର ଦୋଷକୁ ଲୁଚାଉଛନ୍ତି ହସ୍ପିଟାଲ କର୍ତ୍ତୃପକ୍ଷ ।
ରାଜ୍ୟରେ ହାତ ଗଣତି ଦୁଇଟି ପ୍ରମୁଖ ହସ୍ପିଟାଲ ରହିଛି ଯାହା ରାଜଧାନୀର କ୍ୟାପିଟାଲ ହସ୍ପିଟାଲ ଓ କଟକର ଏସିବି ମେଡିକାଲ । କିନ୍ତୁ କ୍ୟାପିଟାଲ ହସ୍ପିଟାଲରେ କୌଣସି ବିଭାଗର ଡାକ୍ତର ନଥିବା ବେଳେ କୌଣସି ବିଶେଷଜ୍ଞ ବି ନାହାଁନ୍ତି । ଫଳରେ ରୋଗ ଚିହ୍ନିବାରେ ଅବହେଳା କରୁଛନ୍ତି ଡାକ୍ତର । ଅନ୍ୟପଟେ କହିଛନ୍ତି, ଟ୍ରାଫିକ ବ୍ୟବସ୍ଥା ଠିକ ନଥିବା କାରଣରୁ ଆମ୍ବୁଲାନ୍ସ ଅଟକି ଯାଉଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
