ଭୁବନେଶ୍ବର: ହତ୍ୟା ଉଦ୍ୟମ କରି ଆକ୍ରମଣ କରିଥିବା ଅଭିଯୁକ୍ତକୁ ପୋଲିସ ଧରୁନଥିବା ଅଭିଯୋଗରେ ଉଠା ଦୋକାନୀ ଓ ସେଣ୍ଟ୍ରାଲ ମାର୍କେଟ ବିଲ୍ଡିଂ ମଧ୍ୟରେ ଥିବା ଅଭିଯୋଗକାରୀଙ୍କ ଅସନ୍ତୋଷ ଶେଷରେ ଉଗ୍ରରୂପ ନେଇଛି । ଯାହାକୁ କେନ୍ଦ୍ର କରି ଆଜି(ମଙ୍ଗଳବାର) ମାର୍କେଟ ବନ୍ଦ କରିଛି ସେଣ୍ଟ୍ରାଲ ମାର୍କେଟ ଆସୋସିଏସନ ।
ଅଭିଯୋଗ ପରେ ଶୁଣୁନି ପୋଲିସ, ମାର୍କେଟ ବନ୍ଦ କଲା ଆସୋସିଏସନ
ଦୀର୍ଘ ଦୁଇ ଘଣ୍ଟା ଧରି ଉଠା ଦୋକାନୀ ଓ ସେଣ୍ଟ୍ରାଲ ମାର୍କେଟ ଆସୋସିଏସନ ଭିତରେ ଗଣ୍ଡଗୋଳ ପରେ ପୋଲିସ ଉପସ୍ଥିତିରେ ଏଭଳି ପରିସ୍ଥିତି ଉପୁଜିଛି । ସୂଚନା ଅନୁଯାୟୀ, ଜଣେ ବ୍ୟବସାୟୀ ବିକାଶ ଶାହାଙ୍କୁ ଗତ ୨୩ ତାରିଖରେ କେହି ଦୁର୍ବୃତ୍ତ ଆକ୍ରମଣ କରିଥିଲେ । ମାତ୍ର ଆଜି ପର୍ଯ୍ୟନ୍ତ ଅଭିଯୁକ୍ତକୁ ଗିରଫ କରିପାରିନି ପୋଲିସ । ସେହିପରି ଜଣେ ଉଠା ବ୍ୟବସାୟୀ ସବନମ ନାମକ ମହିଳାଙ୍କ ସହ କିଛି ଲୋକ ଗଣ୍ଡଗୋଳ କରିଥିବା ନେଇ ଥାନାରେ ଦ୍ବାରସ୍ଥ ହୋଇଥିଲେ ।
ହେଲେ ପୋଲିସ ତାଙ୍କୁ ବି ନ୍ୟାୟ ଦେଇପାରିଲାନି । ଯାହାର ପ୍ରତିଫଳ ସ୍ବରୁପ ଆଜି ଏଭଳି ପରିସ୍ଥିତି ଉପୁଜିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
