ଭୁବନେଶ୍ବର: କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (ସିବିଏସଇ) ଦ୍ବାରା ପରିଚାଳିତ ଦଶମ ଶ୍ରେଣୀର ପରୀକ୍ଷା ଫଳ ବୁଧବାର ପ୍ରକାଶ ପାଇଛି । ଏଥିରେ ଭୁବନେଶ୍ବର ରିଜନର ପାସ ହାର 93.20 ପ୍ରତିଶତ ରହିଛି । ସେହିପରି 99.28 ପ୍ରତିଶତ ସହ ତ୍ରିଭେନ୍ଦ୍ରମରେ ପାସହାର ସର୍ବାଧିକ ରହିଛି ।
ବୁଧବାର ସିବିଏସଇ ଦଶମ ଶ୍ରେଣୀ ଫଳାଫଳ ଦିନ 12ଟା ପରଠାରୁ ଅନଲାଇନରେ ଉପଲବ୍ଧ ହୋଇଥିଲା । ଏନେଇ ମଙ୍ଗଳବାର କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ଟ୍ବିଟରରେ ସୂଚନା ଦେଇଥିଲେ ।
ଉଲ୍ଲେଖଯୋଗ୍ୟ, କୋରୋନା ମହାମାରୀ ପାଇଁ ଦେଶରେ ଏହି ପରୀକ୍ଷା ସଂପୂର୍ଣ୍ଣ ହୋଇପାରିନଥିଲା । ଫଳରେ ବାକି ଥିବା କିଛି ପେପରର ପରୀକ୍ଷା ପାଇଁ ଜୁଲାଇ 1ରୁ 15 ମଧ୍ୟରେ କରିବାକୁ ବିଜ୍ଞପ୍ତି ପ୍ରକାଶ ପାଇଥିଲା । ହେଲେ କୋରୋନା ସଂକ୍ରମଣ ବୃଦ୍ଧି ପାଇବା ହେତୁ ଏହାକୁ ବାତିଲ କରାଯାଇଥିଲା । ତେଣୁ ଅବଶିଷ୍ଟ ପରୀକ୍ଷା ହୋଇ ନଥିବା ବିଷୟର ରେଜଲ୍ଟ ବିକଳ୍ପ ମୂଲ୍ୟାୟନ ମାଧ୍ୟମରେ ସ୍ଥିର କରାଯାଇଥିଲା ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
