ଭୁବନେଶ୍ବର: ଆଜି ଓଡିଶା ଆସିବେ ରାଷ୍ଟ୍ରପତି। ସନ୍ଧ୍ଯାରେ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବେ। ଏନେଇ ରାଷ୍ଟ୍ରପତିଙ୍କ ଅଗମାନକୁ ଆଖିରେ ରଖି କମିଶନରେଟ ପୋଲିସର ସୁରକ୍ଷା ବ୍ୟବସ୍ଥା କରାଯାଇଛି ।
ତିନିଦିନିଆ ଓଡିଶା ଗସ୍ତରେ ଆସିବେ ରାଷ୍ଟ୍ରପତି ରାମନାଥ କୋବିନ୍ଦ । ଏୟାରପୋର୍ଟରୁ ରାଜଭବନ ଗମନାଗମନକୁ ଆଖିଆଗରେ ରଖି ବ୍ୟାପକ ସୁରକ୍ଷା ବ୍ୟବସ୍ଥା ରହିଛି । ଟ୍ରାଫିକ ,ରୁଟ ଲାଇନ ,ଏୟାରପୋର୍ଟ, ରାଜଭବନରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ଏହା ସହ ୧୦୦ ରୁ ଅଧିକ ଅଫିସର , ୩୦ପ୍ଲାଟୁନ ଫୋର୍ସ ,ହୋମ ଗାର୍ଡ ଅନ୍ୟ ସୁରକ୍ଷା କର୍ମୀ ମୁତୟନ ହୋଇଛନ୍ତି । ୮ଜଣ ଆଡିସିନାଲ ଏସପି ,12 ଏସିପି,17 ଇନ୍ସପେକ୍ଟର ନିୟୋଜିତ ହୋଇଛନ୍ତି । ତେବେ ରାଷ୍ଟ୍ରପତିଙ୍କ ପାଇଁ ରାଜଭବନ ପରିସରରର ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି । ଏଥି ସହ ବାହାରୁ ଆସୁଥିବା ଲୋକଙ୍କ ଉପରେ ନଜର ରଖାଯାଇଥିବା କହିଛନ୍ତି ପୋଲିସ କମିସନର ସୋମେନ୍ଦ୍ର ପ୍ରିୟଦର୍ଶୀ ।
ସୂଚନାଥାଉକି, ରାଷ୍ଟ୍ରପତି ରାମନାଥ କୋବିନ୍ଦ ଓଡିଶା ଗସ୍ତରେ ସେ ରାଉରକେଲାରେ ଏନଆଇଟିର ସମାବର୍ତ୍ତନ ଉତ୍ସବରେ ଯୋଗଦେବେ । ଏହାପରେ ରାଉରକେଲାର ବହୁ ପ୍ରତୀକ୍ଷିତ ସୁପର ସ୍ପେସିଆଲିଟି ହସପିଟାଲର ଉଦଘାଟନ କରିବେ । ଏହାପର ଦିନ ଲିଙ୍ଗରାଜ ମନ୍ଦିର ଓ ପୁରୀ ଶ୍ରୀମନ୍ଦିର ଗସ୍ତ କରିବାର କାର୍ଯ୍ୟକ୍ରମ ରହିଛି ।
ଭୁବନେଶ୍ବରରୁ ତାପସ ପରିଡା,ଇଟିଭି ଭାରତ
