ଭୁବନେଶ୍ବର: ଫିଲ୍ମ ଷ୍ଟାଇଲରେ ଗଞ୍ଜେଇ ବେପାରୀଙ୍କୁ ଟ୍ରାପ୍ । ରାଜାଧାନୀରୁ ବିହାରୀ ଗଞ୍ଜେଇ ମାଫିଆ ଅଭିଯୁକ୍ତ ସହ ଧରାପଡିଲେ ୪ ଅଭିଯୁକ୍ତ । କାର ଯୋଗେ ଏକ କ୍ବିଣ୍ଟାଲ ଗଞ୍ଜେଇ ନେଇ ଯିବାବେଳେ ଧରିଲା କମିଶନରେଟ ପୋଲିସ । ଆଜି(ରବିବାର) ସକାଳ ୧୧ଟା ସମୟରେ କନ୍ଧମାଳରୁ କାର ଯୋଗେ ଗଞ୍ଜେଇ ଆଣୁଥିବା ସମୟରେ ଧରିଛି ପୋଲିସ ।
ସୂଚନା ଅନୁଯାୟୀ, ବିଶେଷ ସୂତ୍ରରୁ ଖବର ପାଇ ପୋଲିସ ଗଞ୍ଜେଇ ବେପାରୀଙ୍କୁ ନୟାପଲୀରୁ ପିଛା କରିଥିଲା । ବିଭିନ୍ନ ଦିଗ ଉପରେ ନଜର ରଖି ଶେଷରେ ୪ ଅଭିଯୁକ୍ତଙ୍କୁ କାବୁ କରିଛି । ଏମିତିକି ପୋଲିସ ଅଭିଯୁକ୍ତମାନଙ୍କୁ ଧରିବା ପାଇଁ ଜାଣିଶୁଣି ଟ୍ରାଫିକ୍ ଜାମ୍ କରାଇଥିଲା । ଶେଷରେ ଗଞ୍ଜେଇ ବେପାରୀଙ୍କ ପଛପଟୁ ପିଛା କରି ଆସୁଥିବା ପୋଲିସ ଟିମ ଆଚାର୍ଯ୍ୟ ବିହାର ପରେ ଆଖଣ୍ଡଳମଣି ମନ୍ଦିର ପାଖ ହମ୍ପସ ନିକଟରେ କାବୁ କରିଥିବା ଜଣାପଡିଛି । ତେବେ ଗିରଫ ହୋଇଥିବା ୪ ଜଣ ଅଭିଯୁକ୍ତ ହେଉଛନ୍ତି ବୁନା କହର, ଦିବସ କହର, ବବଲୁ ଗଣ୍ଡ ଏବଂ ଏସ.କେ ମହମ୍ମଦ । ପୋଲିସ ସମସ୍ତ ଅଭିଯୁକ୍ତଙ୍କୁ ଗିରଫ ପରେ କୋର୍ଟଚାଲାଣ କରିଛି ।
ଇଟିଭି ଭାରତ, ଭୁବନେଶ୍ବର
