ଭୁବନେଶ୍ବର: ବିଧାନସଭା ଚାଲିଥିବା ବେଳେ ରାଜଧାନୀରେ ବୋମା ଆତଙ୍କ । ମାଷ୍ଟରକ୍ୟାଣ୍ଟିନ ସ୍ଥିତ ପ୍ରେସ କ୍ଲବ ନିକଟରୁ ଜବତ ହୋଇଛି 4ଟି ଅଫୁଟା ବୋମା । ଅଟୋ ସହ ଜଣକୁ ଅଟକ କରିଛି କ୍ୟାପିଟାଲ ଥାନା ପୋଲିସ ।
ଶନିବାର ଜଣେ ବ୍ୟକ୍ତି ସନ୍ଦେହ ଭାବେ ଏକ ଅଟୋରେ ମାଷ୍ଟିରକ୍ୟାଣ୍ଟିନ ନିକଟସ୍ଥ ପ୍ରେସ କ୍ଲବ ନିକଟରେ ବସିଥିଲା । ଏ ଘଟଣା ସମ୍ପର୍କରେ କ୍ୟାପିଟାଲ ଥାନାକୁ ଖବର ଦିଆଯାଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଟୋକୁ ଜବତ କରିବା ସହ ସେହି ଯୁବକକୁ ଅଟକ ରଖିଛି । ତା ନିକଟରୁ 4ଟି ବୋମା ଜବତ ହୋଇଛି । ଏନେଇ ଅଧିକ ତଦନ୍ତ ଜାରି ରଖିଛି ପୋଲିସ । ଼
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ବିଧାନସଭା ଚାଲିଥିବା ବେଳେ ମାଷ୍ଟରକ୍ୟାଣ୍ଟିନ ଭଳି ବ୍ୟସ୍ତବହୁଳ ସ୍ଥାନରେ ବୋମା ଜବତ ହେବାକୁ ନେଇ ସାଧାରଣରେ ଆତଙ୍କ ଖେଳିଯାଇଛି । ସୁରକ୍ଷା ବ୍ୟବସ୍ଥା କଡାକଡି ଥିବା ସତ୍ତ୍ବେ ଯୁବକ ଜଣକ ପାଖରେ ବୋମା ସେଠାରେ କି ଯୋଜନା କରୁଥିଲେ ଏହାକୁ ନେଇ ସାଧାରଣରେ ପ୍ରଶ୍ନ ଉଠୁଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
