ଭୁବନେଶ୍ବର: ପିଇଓ ସ୍ମିତାରାଣୀ ମୃତ୍ୟୁ ମାମଲାକୁ ନେଇ ପାଟିରେ କଳାପଟି ବାନ୍ଧି ପ୍ରତିବାଦ କରୁଛି ବିଜେପି । ଦୁଇଦିନ ଧରି ସ୍ମିତାରଣୀ ମୃତ୍ୟୁ ଘଟଣାରେ ସ୍ବତନ୍ତ୍ର ଆଲୋଚନାର ଦାବି କରି ପ୍ରଶ୍ନକାଳ ଅଚଳ କରିବା ପରେ ଶୁକ୍ରବାର ବିଜେପି ବିଧାୟକ ମୁହଁରେ କଳା ପଟି ଓ ବେକରେ କଳା ଗାମୁଛା ପକାଇ ପ୍ରତିବାଦ କରିଥିବା ଦେଖିବାକୁ ମିଳିଥିଲା ।
ତେବେ ପ୍ରଶ୍ନକାଳ ଆରମ୍ଭରୁ ବିଜେପି ବିଧାୟକ ମୌନ ପ୍ରତିବାଦ ସ୍ବରୂପ ଏଭଳି ପ୍ରତିବାଦ କରିଥିଲେ। ବାଚସ୍ପତିଙ୍କ ଅନୁରୋଧ ପରେ ସେମାନେ ନିଜ ଆସନରେ ବସି ମୁହଁରୁ କଳା ପଟି ହଟାଇ ଦେଇଥିଲେ । ହେଲେ ବେକାରୁ କଳା ଗାମୁଛା ଓହ୍ଲାଇ ନଥିବା ଦେଖିବାକୁ ମିଳିଥିଲା। ଏହାସହ ବାଚସ୍ପତି ବିଜେପି ବିଧାୟକଙ୍କୁ ପ୍ରଶ୍ନକାଳରେ ଭାଗ ନେବାକୁ ଅନୁରୋଧ କରିଥିଲେ। ବିଧାନସଭା ଆରମ୍ଭ ହେବା ପୂର୍ବରୁ କଳାପଟି ବାନ୍ଧି ପ୍ରତିବାଦ କରିବା ନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଥିଲା ।
ବିଧାନସଭାରେ ବିଜେପି ବିଧାୟକଙ୍କ ଅଭିନବ ପ୍ରତିବାଦ
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
