ଭୁବନେଶ୍ବର: ଗାନ୍ଧୀ ଜୟନ୍ତୀ ଆରମ୍ଭ ହେବ ବିଜେପିର ଗାନ୍ଧୀ ସଂକଳ୍ପ ପଦଯାତ୍ରା । କଟକ ତେଲେଙ୍ଗାନା ସ୍ଥିତ ଗାନ୍ଧୀ ସ୍ମୃତି ପୀଠରୁ ଆରମ୍ଭ ହେବ ଏହି ପଦଯାତ୍ରା । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ପଦଯାତ୍ରାର ଶୁଭାରମ୍ଭ କରିବେ ।
ଅକ୍ଟୋବର 2 ତାରିଖରୁ 25 ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଗାନ୍ଧୀ ସଂକଳ୍ପ ପଦଯାତ୍ରା ଗୋଟିଏ ଦିନ ହୋଇ ବନ୍ଦ ହେବ । ଦଶହରା ପାଇଁ ଏହି କାର୍ଯ୍ୟକ୍ରମକୁ ବନ୍ଦ ପରେ ପରେ 11ରୁ 24 ତାରିଖ ପର୍ଯ୍ୟନ୍ତ ଏହି ପଦଯାତ୍ରା ଚାଲିବ । ଏହି ପଦଯାତ୍ରାରେ ଦିନକୁ 10 କିମି ଚାଲିବା ସହ ପଦଯାତ୍ରା ମାଧ୍ୟମରେ ଲୋକଙ୍କ ନିକଟରେ ଗାନ୍ଧୀଙ୍କ ବାର୍ତ୍ତା ପହଞ୍ଚାଇବେ ବିଜେପି ନେତୃବୃନ୍ଦ । ସ୍ଵଚ୍ଛତା, ଜଳ ସଂରକ୍ଷଣ, ସିଙ୍ଗିଲ ୟୁଜ ପ୍ଲାଷ୍ଟିକକୁ ନେଇ ସଚେତନ କରାଯିବ । ଦିନକୁ ୧୦ କିଲୋମିଟର ପଦଯାତ୍ରା କରିବା ସହ ୧୫ ଦିନରେ ୧୫୦ କିଲୋମିଟର ପଦଯାତ୍ରା କରିବାର ଲକ୍ଷ୍ୟ ରଖିଛି ବିଜେପି । ଏନେଇ ବିଜେପି ରାଜ୍ୟ ଉପସଭାପତି ସମୀର ମହାନ୍ତି ଗଣମାଧ୍ୟମରେ ସୂଚନା ଦେଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
