ଭୁବନେଶ୍ବର: ବିଜେପି ନେତାଙ୍କ ବିଜେଡିରେ ଏଣ୍ଟ୍ରି ନେଇ ଚର୍ଚ୍ଚା । ବିଜେପି ନେତା ଜଗନ୍ନାଥ ପ୍ରଧାନ ବିଜେଡିର ଯୋଗ ଦେବା ନେଇ ରାଜନୀତି ସରଗରମ । ବିଜେପି ନେତା ଜଗନ୍ନାଥ ପ୍ରଧାନ ବିଜେଡିରେ ସାମିଲ ହେବା ନେଇ ରାଜନୈତିକ ମହଲରେ ବେଶ ଚର୍ଚ୍ଚା ହେଉଛି ।
ବିଜେଡିରେ ଯୋଗଦେବା ପ୍ରସଙ୍ଗରେ ପ୍ରତିକ୍ରିୟା ରଖି ଜଗନନ୍ନାଥ ପ୍ରଧାନ କହିଛନ୍ତି ଯେ ଦଳ ଅଣଦେଖା କଲେ ଚର୍ଚ୍ଚା ସତ ହୋଇପାରେ । ବର୍ତ୍ତମାନ ପର୍ଯ୍ୟନ୍ତ ବିଜେଡିରେ ସାମିଲ ହେବା ନେଇ କୌଣସି ବୁଝାମଣା ନେଇ ତାଙ୍କର କୌଣସି ପ୍ରତିକ୍ରିୟା ଆସିନାହିଁ । ସୂଚନାଥାଉକି ଗତକାଲି ଭୁବନେଶ୍ବ ଉତ୍ତର ବିଜେଡି ବିଧାୟକ ସୁଶାନ୍ତ ରାଉତଙ୍କ ସହିତ ବିଜେପି ନେତା ଜଗନ୍ନାଥ ପ୍ରଧାନଙ୍କ ଭିତ୍ତିରି ଆଲୋଚନା ହୋଇଥିବା ନେଇ ଚର୍ଚ୍ଚା ହେଉଛି । ଏହାପରେ ବିଜେଡିରେ ଜଣେ ବରିଷ୍ଠ ନେତାଙ୍କ ସହିତ ମଧ୍ୟ ବୁଝାମଣା ହୋଇଛି କିନ୍ତୁ ଡିଲ ଫାଇନାଲ ହୋଇନଥିବ ସୂତ୍ରରୁ ଖବର ମିଳିଛି ।
ଜଗନ୍ନାଥ ପ୍ରଧାନ ଭୁବନେଶ୍ବର ବିଜେପିର ଜଣେ ଆଗଧାଡିର ନେତା । ସେ ତିନି ଥର ବଜେପି ଟିକେଟରେ ଭୁବନେଶ୍ବର ଉତ୍ତର ବିଧାନସଭା ଆସନରେ ପ୍ରତିଦ୍ବନ୍ଦ୍ବିତା କରିଛନ୍ତି । ସେ ଗତ କିଛି ଦିନ ହେବ ଦଳରେ ଅବହେଳାର ଶିକାର ହେଉଥିବା ନିଜ ଫେସବୁକରେ ପ୍ରତିକ୍ରିୟା ଦେଇଥିଲେ ଦଳୀୟ କାର୍ଯ୍ୟକ୍ରମରୁ ଦୂରେଇ ରହିଥିଲେ। ସୂଚନାଥାଉକି ଭୁବନେଶ୍ବର ବିଜେପିରେ ବାବୁ ସିଂଙ୍କ ଏଣ୍ଟ୍ରି ପରେ ଜଗନ୍ନାଥ ପ୍ରଧାନଙ୍କ କାଟତି କମିବାରେ ଲାଗିଛି । ଭୁବନେଶ୍ବର ସାଂସଦ ଆପରାଜିତ ଷଡଙ୍ଗୀ ଓ ଜିଲ୍ଲା ସଭାପତି ବାବୁ ସିଂ ଙ୍କ ସହିତ ତାଳମେଳ ନଥିବା ଚର୍ଚ୍ଚା ହେଉଛି । ସେହିପରି ଭୁବନେଶ୍ବର ଜିଲ୍ଲା ସଭାପତି ଚୟନକୁ ନେଇ ଅସନ୍ତୋଷ ପ୍ରକାଶ କରି ବିଜେପିରୁ ଇସ୍ତଫା ଦେଇଥିଲେ ଜଗନ୍ନାଥ ପ୍ରଧାନ । ଏହା ପରେ ସାଂସଦ ଅପରାଜିତା ଷଡଙ୍ଗୀ ହସ୍ତକ୍ଷେପ କରି ବିବାଦକୁ ସମାଧନ କରି ଇସ୍ତଫା ପତ୍ର ଫେରେଇ ନେଇଥିଲେ।
2019 ସାଧାରଣ ନିର୍ବାଚନରେ ଅପରାଜିତା ଷଡଙ୍ଗୀ ତାଙ୍କ ପାଇଁ ପ୍ରଚାର କରିଥିଲେ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
