ଭୁବନେଶ୍ବର: ରାଜ୍ୟ ସମବାୟ ନିର୍ବାଚନ କମିଶନଙ୍କୁ ଭେଟିଲା ବିଜେପି ସମବାୟ ସେଲର ପ୍ରତିନିଧି ଦଳ । କୋରାପୁଟ ଜିଲ୍ଲା ବୋରିଗୁମା ଲାମ୍ପସରେ ନାମାଙ୍କନ ପେପରରେ ହୋଇଥିବା ଅନିୟମିତତା ନେଇ କମିଶନଙ୍କୁ ଜଣାଇଲା ଏହି ପ୍ରତିନିଧି ଦଳ । ବିଜେପି ସମବାୟ ସେଲର କହିବା କଥା, ବୋରିଗୁମା ଲାମ୍ପସରେ ଦୁଇ ଜଣ ପ୍ରାର୍ଥୀଙ୍କ ନାମାଙ୍କନ ପତ୍ରରେ ପ୍ରୋପୋଜର ଓ ସେକେଣ୍ଡରଙ୍କ ନାମ ସମାନ ଥିବା ସତ୍ତ୍ବେ ନିର୍ବାଚନ ଅଧିକାରୀ ନାମାଙ୍କନ ପତ୍ରକୁ ଗ୍ରହଣ କରିଛନ୍ତି, ଯାହାକି ସମବାୟ ନିୟମର ଖୋଲାଖୋଲି ଉଲ୍ଲଙ୍ଘନ ।
ରାଜ୍ୟ ସମବାୟ ନିର୍ବାଚନ କମିଶନଙ୍କୁ ଭେଟିଲା ବିଜେପି ସମବାୟ ସେଲର ପ୍ରତିନିଧି ଦଳ
ତେଣୁ, ଏନେଇ ସେଲ ସମବାୟ ନିର୍ବାଚନ କମିଶନଙ୍କୁ ଭେଟି ଜଣାଇବା ସହ ନାମାଙ୍କନ ପତ୍ର ନାକଚ କରିବାକୁ ଦାବି କରିଛି ବିଜେପି । ଏହାଛଡ଼ା ସମବାୟ ନିର୍ବାଚନ ଏକ ନିର୍ଦ୍ଦଳୀୟ ନିର୍ବାଚନ ହୋଇଥିବା ସତ୍ତ୍ବେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ବିଜେଡି ନେତା ଓ ମନ୍ତ୍ରୀ ସମବାୟ ନିର୍ବାଚନକୁ ପ୍ରଭାବିତ କରୁଥିବା ନେଇ ମଧ୍ୟ ବିଜେପି ସମବାୟ ସେଲ କମିଶନଙ୍କ ଦୃଷ୍ଟିଗୋଚର କରାଇଛି ।
ଇଟିଭି ଭାରତ, ଭୁବନେଶ୍ବର
