ଭୁବନେଶ୍ବର: ଆସନ୍ତା ପଞ୍ଚାୟତ ନିର୍ବାଚନ ନେଇ ପ୍ରସ୍ତୁତି ଆରମ୍ଭ କରିଛି ବିଜେପି । ଏ ନେଇ ଦଳ ପକ୍ଷରୁ ଡକାଯାଇଥିଲା ଗୁରୁତ୍ବପୂର୍ଣ୍ଣ ବୈଠକ । ଆସନ୍ତା ନିର୍ବାଚନକୁ ନେଇ ପ୍ରତିକ୍ରିୟା ରଖିଛନ୍ତି ବିଜେପି ସାଂସଦ ସୁରେଶ ପୂଜାରୀ । 2021ରେ ବିଜେଡ଼ି ହାଫ୍, 2024ରେ ସାଫ ବୋଲି ସୁରେଶ କହିଛନ୍ତି ।
‘2021ରେ ବିଜେଡ଼ି ହାଫ୍, 2024ରେ ସାଫ’
ପଞ୍ଚାୟତ ନିର୍ବାଚନ ପ୍ରସଙ୍ଗରେ ବିଜେପି ସାଂସଦ ସୁରେଶ କହିଛନ୍ତି ଯେ, କେବଳ ବିଜେପି ନୁହେଁ, ସବୁ ଦଳ ନିର୍ବାଚନ ଲଢ଼ିବେ । ପଞ୍ଚାୟତ ନିର୍ବାଚନରେ ସ୍ଥାନ ସଂରକ୍ଷଣକୁ ନେଇ ଆପତ୍ତି ଅଭିଯୋଗ ପ୍ରକ୍ରିୟା ଚାଲିଛି । ତାପରେ ଶୁଣାଣି ହୋଇ ଚୂଡାନ୍ତ ତାଲିକା ପ୍ରକାଶ ପାଇବ । ସେହିପରି 2021 ମସିହାରେ ବିଜେଡି ହାଫ୍, 2024 ମସିହାରେ ସାଫ ହେବ ବୋଲି କହିଛନ୍ତି ସୁରେଶ । ବୁଥ ସ୍ତରରେ ଲଢେଇ ହେବ । ନିର୍ବାଚନ ସମୟରେ ସବୁ ଦଳ ନିଜ ନିଜ ଟିପ୍ପଣୀ ଦିଅନ୍ତି । କିନ୍ତୁ ଫଳ ପ୍ରକାଶ ପାଇଲେ କିଏ କେତେ ପାଣିରେ ଅଛି ଜଣାପଡ଼ିବ ବୋଲି କହିଛନ୍ତି ସୁରେଶ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
