ନୂଆଦିଲ୍ଲୀ/ଭୁବନେଶ୍ବର: ଏନଡିଏ ଉପରାଷ୍ଟ୍ରପତି ପ୍ରାର୍ଥୀ ଜଗଦୀପ ଧନଖଡଙ୍କୁ ଭୋଟ ଦେଲେ ବିଜେଡି ସାଂସଦ । ବିଜେଡିର ଲୋକସଭା ଓ ରାଜ୍ୟସଭାର ସଦସ୍ୟ ଗଣ ଜଗଦୀପ ଧନଖଡଙ୍କୁ ଭୋଟ ଦେଇଛନ୍ତି । ପୂର୍ବରୁ ଏନଡିଏରୁ ଜଗଦୀପ ଧନଖଡଙ୍କୁ ସମର୍ଥନ ଘୋଷଣା କରିଥିଲେ ବିଜେଡି ସଭାପତି ନବୀନ ପଟ୍ଟନାୟକ । ନବୀନଙ୍କ ନିଷ୍ପତ୍ତି ପରେ ଧନଖଡଙ୍କୁ ଭୋଟ ଦେଇଛନ୍ତି ଦଳୀୟ ସାଂସଦ ।
ଉପରାଷ୍ଟ୍ରପତି ନିର୍ବାଚନ ପାଇଁ ସକାଳ 10 ଟାରୁ ଆରମ୍ଭ ହୋଇଥିବାବେଳେ ବିଜେଡି ସାଂସଦ ମାନେ ଏଥିରେ ସାମିଲ ହୋଇଛନ୍ତି । ବିଜେଡି ସାଂସଦ ମାନେ ସଂସଦ ଭବନ ଯାଇ ଭୋଟ ଦେଇଛନ୍ତି । ବିଜେଡି ସାଂସଦ ସସ୍ମିତ ପାତ୍ର, ମାନସ ମଙ୍ଗରାଜ, ସୁଲୋତା ଦେଓ, ପିନାକୀ ମିଶ୍ର, ଅଚ୍ୟୁତ ସାମନ୍ତ, ମୁନ୍ନା ଖାଁ, ରମେଶ ମାଝୀ, ଚନ୍ଦ୍ରଶେଖର ସାହୁ, ମହେଶ ସାହୁ, ପ୍ରମିଳା ବିଶୋଇ, ନିରଞ୍ଜନ ବିଶି, ଚନ୍ଦ୍ରାଣୀ ମୁର୍ମୁ, ମଞ୍ଜୁଲତା ମଣ୍ଡଳ ଭୋଟ ଦେଇଛନ୍ତି ।
ଏନଡିଏରୁ ଜଗଦୀପ ଧନଖଡ଼ ପାର୍ଥୀ ହୋଇଥିବା ବେଳେ ମାର୍ଗାରେଟ ଆଲଭା ବିରୋଧୀ ଦଳ ପକ୍ଷରୁ ପାର୍ଥୀ ହୋଇଛନ୍ତି । ଆଜି ଭୋଟ ଗ୍ରହଣ ଶେଷ ହେବା ପରେ ସଂସଦ ଭବନରେ ଭୋଟ ଗଣତି ହେବ ।
