ନୂଆଦିଲ୍ଲୀ: ସଂସଦରେ ଉଠିଲା ବିଜୁ ପଟ୍ଟନାୟକଙ୍କୁ ‘ଭାରତ ରତ୍ନ’ ପ୍ରଦାନ ଦାବି। ରାଜ୍ୟସଭାରେ ବିଜେଡି ସାଂସଦ ମୁନ୍ନା ଖାଁ ବିଜୁ ବାବୁଙ୍କୁ ‘ଭାରତ ରତ୍ନ’ ଦେବାକୁ ଦାବି କରିଛନ୍ତି । ବିଜୁ ବାବୁ ଜଣେ ରାଷ୍ଟ୍ରବାଦୀ ନେତା ଥିଲେ । ଜମ୍ମୁ-କାଶ୍ମୀରରେ ଆକ୍ରମଣ ସମୟରେ ପୂର୍ବତନ ପ୍ରଧାନମନ୍ତ୍ରୀ ଜବାହାରଲାଲଙ୍କ ନେତୃତ୍ବରେ ବିଜୁ ବାବୁ ନିଜ ବିମାନରେ ପାଇଲଟିଂ କରି ପଞ୍ଜାବ ରେଜିମେଟରୁ ଶ୍ରୀନଗରରେ ପହଞ୍ଚିଥିଲେ । ଯେଉଁଥି ପାଇଁ ଆଜି ଜମ୍ମୁ-କାଶ୍ମୀର ଅଖଣ୍ଡ ରହିଛି ବୋଲି ସାଂସଦ କହିଛନ୍ତି ।
ସେହିପରି 60 ବର୍ଷ ପୂର୍ବରୁ ବିଜୁ ବାବୁ ଆତ୍ମନିର୍ଭର ଭାରତର ସ୍ବପ୍ନ ଦେଖିଥିଲେ। କାରଣ ତାଙ୍କ ଅଧିନରେ ଆରମ୍ଭ ହୋଇଥିବା କୋରାପୁଟର ହିନ୍ଦୁସ୍ଥାନ ଏରୋନେଟିକ ଲିମିଟେଡ( ହାଲ) ଯୋଗୁଁ ଆତ୍ମନିର୍ଭର ହେବାର ସୁଯୋଗ ମିଳିଛି । ବିଜୁ ବାବୁ ଏପରି ଜଣେ ସ୍ବାଧୀନତା ସଂଗ୍ରାମୀ ଯିଏ ତିନୋଟି ଦେଶ ପାଇଁ ଲଢେଇ କରିଥିଲେ । ଆଉ ଏଥିପାଇଁ ତାଙ୍କର ଅନ୍ତିମ ଯାତ୍ରାବେଳେ ଭାରତ ସମେତ ଇଣ୍ଡୋନେସିଆର ଜାତୀୟ ପତାକା ତାଙ୍କ ମୃତଦେହରେ ଢଙ୍କା ଯାଇଥିଲା ବୋଲି ମୁନ୍ନା ଖାନ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
