ଭୁବନେଶ୍ବର: ବିଜୁ ଜନତା ଦଳର ମିଡିଆ ପ୍ୟାନେଲିଷ୍ଟ ଭାବେ ଆଉ ୩ ଜଣଙ୍କୁ ନିଯୁକ୍ତି ମିଳିଛି । ମୁଖ୍ୟମନ୍ତ୍ରୀ ତଥା ଦଳର ସଭାପତି ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ୩ ଜଣଙ୍କୁ ସାମିଲ୍ କରାଯାଇଛି । ସାମ୍ବାଦିକରୁ ନେତା ହୋଇଥିବା ଗୌତମବୁଦ୍ଧ ଦାସ, ଲୋରା ମହାପାତ୍ର ଓ ସ୍ୱାଗତିକା ମହାନ୍ତି ମିଡିଆ ପ୍ୟାନେଲିଷ୍ଟ ଭାବେ ନିଯୁକ୍ତ ହୋଇଛନ୍ତି । ଏନେଇ ଦଳର ସାଧାରଣ ସମ୍ପାଦକ (ଗଣମାଧ୍ୟମ ବ୍ୟାପାର) ମାନସ ମଙ୍ଗରାଜ ପ୍ରେସ୍ ଇସ୍ତାହାର ଜାରି କରିଛନ୍ତି ।
ଗୌତମବୁଦ୍ଧ ଗତ 11 ତାରିଖରେ ବିଧିବଦ୍ଧ ଭାବେ ବିଜେଡିରେ ଯୋଗ ଦେଇଥିଲେ । ତାଙ୍କୁ ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଓ ବିଜେଡି ସାଧାରଣ ସମ୍ପାଦକ ମାନସ ମଙ୍ଗରାଜ ଦଳକୁ ସ୍ଵାଗତ କରିଥିଲେ । ଦୀର୍ଘ 2 ଦଶନ୍ଧିରୁ ଉର୍ଦ୍ଧ୍ବ ସମୟ ଧରି ଗଣମାଧ୍ୟମ ସହିତ ଜଡିତ ଥିବାରୁ ତାଙ୍କୁ ଦଳ ଏହି ଗୁରୁଦାୟିତ୍ୱ ଦେଇଛି । ସେହିପରି ଲୋରା ମହାପାତ୍ର ଓ ସ୍ୱାଗତିକା ମହାନ୍ତି ଯଥାକ୍ରମେ ବିଜେଡିର ମହିଳା ଓ ଛାତ୍ର ସଂଗଠନ ସହିତ ଜଡିତ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
