ଭୁବନେଶ୍ବର: ବିଜୁ ଯୁବ ଜନତା ଦଳର ନୂଆ କର୍ମକର୍ତ୍ତା ନିଯୁକ୍ତ । କାର୍ଯ୍ୟକାରୀ ସଭାପତି ହେଲେ ବୈକୁଣ୍ଠ ନାୟକ ଏବଂ ଏଲିନା ଦାଶ ହେଲେ ସାଧାରଣ ସମ୍ପାଦକ । ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜୁ ଯୁବ ଜନତା ଦଳର ନୂଆ କର୍ମକର୍ତ୍ତାଙ୍କୁ ନିଯୁକ୍ତି ଦେଇଛନ୍ତି । ଏହା ସହିତ ଜିଲ୍ଲା ସଭାପତିଙ୍କ ନିଯୁକ୍ତି ହୋଇଛି । ଏନେଇ ଏକ ପ୍ରେସ୍ ଇସ୍ତାହାର ମାଧ୍ୟମରେ ସୂଚନା ଦେଇଛନ୍ତି ଧର୍ମଶାଳା ବିଧାୟକ ।
ଏହାସହ ତିନିଜଣ ବରିଷ୍ଠ ଉପସଭାପତି ଭାବରେ ରାଣାପ୍ରତାପ ପାତ୍ର , ଧ୍ରୁତି ରଞ୍ଜନ ମାର୍ଥା, ଜ୍ୟୋସ୍ନାମୟୀ ପରିଡାଙ୍କୁ ଦାୟିତ୍ଵ ଦିଆଯାଇଛି । ଏହାସହ ୩୩ ଜଣ ସାଙ୍ଘଠନିକ ଜିଲ୍ଲାର ସଭାପତିଙ୍କୁ ଦାୟିତ୍ଵ ଦିଆଯାଇଛି । ୨୫ ଜଣ ଜଏଣ୍ଟ ସେକ୍ରେଟାରୀ, ୩୫ ଜଣ ସେକ୍ରେଟାରୀ, ୨୮ ଜଣ ଜେନେରାଲ ସେକ୍ରେଟାରୀଙ୍କୁ ନିଯୁକ୍ତି ଦିଆଯାଇଛି । ୧୦ ଜଣ ଉପସଭାପତି ଓ ୬ ଜଣ ଜୋନ ସଭାପତିଙ୍କୁ ନିଯୁକ୍ତି ଦିଆଯାଇଛି । ଏନେଇ ବିଜେଡି ପକ୍ଷରୁ ଜଣାଯାଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
