ଭୁବନେଶ୍ବର: ଆରମ୍ଭ ହୋଇଛି ବିଜୁ ଯୁବ ଜନତା ଦଳର କାର୍ଯ୍ୟକାରିଣୀ ବୈଠକ । ରାଜ୍ୟ କାର୍ଯ୍ୟାଳୟରେ ଏହି ବୈଠକ ବସିଛି। ବିଜୁ ଯୁବ ଜନତା ଦଳର ନବକଳେବର ପରେ ଏହା ପ୍ରଥମ କାର୍ଯ୍ୟକାରିଣୀ ବୈଠକ ।
କାର୍ଯ୍ୟକାରିଣୀ ବୈଠକରେ ଯୁବ ବିଜେଡିର କାର୍ଯ୍ୟକାରୀ ସଭାପତି, ମହାସଚିବ, ବରିଷ୍ଠ ଉପସଭାପତି, ସାଧାରଣ ସମ୍ପାଦକ, ସମ୍ପାଦକ, ଯୁଗ୍ମ ସମ୍ପାଦକ, 35ଟି ସାଙ୍ଗଠନିକ ଜିଲ୍ଲାର ସମସ୍ତ ଜିଲ୍ଲା ସଭାପତି ଏବଂ ସମସ୍ତ ଜୋନର ଜୋନ ସଭାପତି ମାନେ ଯୋଗ ଦେଇଛନ୍ତି ।
ବୈଠକରେ ଯୁବ ବିଜେଡିର ବିଭିନ୍ନ ପ୍ରସ୍ତାବମାନ ଆଗତ କରାଯିବ । ଏହାସହ ତୃଣମୂଳସ୍ତରରେ ଯୁବକମାନଙ୍କୁ ସଙ୍ଗଠିତ କରାଯାଇ ବିଜୁ ଜନତା ଦଳକୁ କିପରି କ୍ରିୟାଶୀଳ କରାଯାଇ ପାରିବ ତାହା ଉପରେ ବିସ୍ତୃତ ଆଲୋଚନା ହେବ ବୋଲି ଜଣାପଡିଛି ।
ସୂଚନାଥାଉକି, ଆସନ୍ତା 20ରେ ବିଜେଡିର ରାଜ୍ୟ କାର୍ଯ୍ୟକାରିଣୀ ହେବାକୁ ଥିବାବେଳେ 21ରେ ରାଜ୍ୟ ପରିଷଦ ଓ 23ରେ ଛାତ୍ର ଶାଖାର କାର୍ଯ୍ୟକାରିଣୀ ବୈଠକ ବସିବ । ସେହିପରି 26ରେ ଦଳ ପାଳିବ ଜନ୍ମ ଦିବସ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
