ଭୁବନେଶ୍ବର: ବନ୍ଦ ହୋଇପାରେ ରାଜ୍ୟ ସରକରାଙ୍କ ଫ୍ଲାଗସିପ ଯୋଜନା ବିଜୁପକ୍କା ଘର ଯୋଜନା । କାଳିଆ ଏବଂ ପ୍ରଧାନମନ୍ତ୍ରୀ କିଷାନ ଯୋଜନା କନଭରଜେନ୍ସ (ସଂଯୋଜନ ବା ସମ୍ମିଶ୍ରଣ ) ପରେ ଏବେ ପ୍ରଧାନମନ୍ତ୍ରୀ ଆବାସ ଏବଂ ବିଜୁ ପକ୍କାଘର ଯୋଜନା କନଭରଜେନ୍ସରେ ଚାଲିଛି । ଏହାକୁ ନେଇ ଏବେ ରାଜନୈତିକ ଉଷ୍ମତା ଦେଖିବାକୁ ମିଳିଛି ।
ଏନେଇ ବିଜେପି କହିଛି, ଦୁଇ ଯୋଜନା ମିଳିତ ଭାବେ ଚାଲିବାକୁ ସରକାରୀ ଭାବେ ନିଷ୍ପତ୍ତି ହୋଇଥିବା କେନ୍ଦ୍ର ସରକାରଙ୍କ ପାଖରେ ଖବର ନାହଁ । ତେଣୁ ଏହା ବ୍ୟବସ୍ଥାର ଚଞ୍ଚକତା । ସରକାରଙ୍କ ସବୁ ସ୍କିମ ପଛରେ ଶଠତା ରହିଛି ବୋଲି ଖୋଲାଖୋଲି କହିଛି କଂଗ୍ରେସ । ବିଜେପି ଓ କଂଗ୍ରେସର ଟାର୍ଗେଟ ପରେ ଜବାବ ରଖିଛି ବିଜେଡି । ଏନେଇ ବିଜେଡି କହିଛି ୪୦ ପ୍ରତିଶତ ଅର୍ଥ ରାଜ୍ୟ ଦେଉଥିବାରୁ ଦୁଇ ଯୋଜନା ମିଳିତ ଭାବେ ଚାଲିବ ।
ଅନ୍ୟପଟେ ବିଜେପି କହିଛି, ଚଳିତ ପୂର୍ଣ୍ଣାଙ୍ଗ ବଜେଟ କିମ୍ବା ଅତିରିକ୍ତ ବଜେଟରେ ବିଜୁ ପକ୍କାଘର ଯୋଜନା ପାଇଁ ଟଙ୍କାଟିଏ ବି ବ୍ୟୟବରାଦ ହୋଇନାହିଁ । ବିଜୁ ପକ୍କାଘର ଯୋଜନାକୁ ପ୍ରଧାନମନ୍ତ୍ରୀ ଆବାସ ଯୋଜନା ସହିତ କନଭରଜେନ୍ସ କରିବା ନେଇ କୌଣସି ସରକାରୀ ନିଷ୍ପତ୍ତି ହୋଇଥିବା କେନ୍ଦ୍ର ସରକାରଙ୍କ ଜ୍ଞାତସାରରେ ନାହିଁ । ରାଜ୍ୟ ସରକାର ଚଞ୍ଚତକା କରିଥିବା ବିଜେପି ସାଧାରଣ ସମ୍ପାଦକ ପୃଥୀରାଜ ହରିଚନ୍ଦନ ଅଭିଯୋଗ କରିଛନ୍ତି । ।
ତେବେ ଏଠି ପ୍ରଶ୍ନ ଉଠୁଛି ରାଜ୍ୟ ସରକାର ବିଜୁ ପକ୍କାଘର ପାଇଁ ବଜେଟରେ କୌଣସୀ ବ୍ୟୟବରାଦ କରି ନାହାନ୍ତି ଯଦି ବିଜୁ ପକ୍କାଘର ଲେଖାଥିବା ଟାଇଲ ପ୍ରିଣ୍ଟ କରିବା ପାଇଁ କିଭଳି ଡିଆରଡିଏ ମାନେ ନିର୍ଦ୍ଦେଶ ଦେଉଛନ୍ତି । ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋ କହିଛନ୍ତି ସରକାରଙ୍କ ସବୁ ସ୍କିମ ପଛରେ ଶଠତା ରହିଛି । ବିଜେଡି ମୁଖପାତ୍ର ଦେବୀ ପ୍ରସାଦ ମିଶ୍ର କହିଛନ୍ତି, ପୂର୍ବରୁ ଗ୍ରାମୀଣ ବିକାଶ ଯୋଜନା ପାଇଁ କେନ୍ଦ୍ର ସରକାର ଶତ ପ୍ରତିଶତ ଅନୁଦାନ ଦେଉଥିଲେ । ଏବେ କିନ୍ତୁ କେନ୍ଦ୍ର ୬୦ ପ୍ରତିଶତ ଦେଉଥିବା ବେଳେ ରାଜ୍ୟ ୪୦ ପ୍ରତିଶତ ଅର୍ଥ ଦେଉଛି । ରାଜ୍ୟ ସରକରାଙ୍କୁ ଏଥିପାଇଁ ୬ହଜାର କୋଟି ଟଙ୍କା ପ୍ରଶାସନିକ ବ୍ୟୟ ବାବଦକୁ ଖର୍ଚ୍ଚ କରୁଛନ୍ତି । ରାଜ୍ୟ ସରକାର ଯେହୁତୁ ୪୦ ପ୍ରତିଶତ ଖର୍ଚ୍ଚ କରୁଛନ୍ତି ତେଣୁ ଦୁଇ ଯୋଜନାକୁ କନଭରଜେନ୍ସ କରାଯାଇଛି । ନିର୍ମାଣ ହେଉଥିବା ଘରେ ପ୍ରଧାନମନ୍ତ୍ରୀ ଆବାସ ଯୋଜନା ସହିତ ବିଜୁ ପକ୍କାଘର ଯୋଜନା ରହିବ ।
ପ୍ରକାଶ ଯେ, ଗତ ୨୦୧୪ରେ ରାଜ୍ୟ ସରକରା ଫ୍ଲାଗସିଫ ଯୋଜନା ଭାବେ ବିଜୁ ପକ୍କାଘର ଯୋଜନାର ଶୁଭାରମ୍ଭ କରିଥିଲେ । ଗ୍ରାମାଞ୍ଚଳରେ କଚ୍ଚାଘରେ ରହୁଥିବା ଲୋକଙ୍କୁ ଏହି ଯୋଜନାରେ ପକ୍କାଘର ଦିଆଯାଉଥିଲା । ଏଥିରେ ହିତାଧିକାରୀଙ୍କୁ ୭୦ ହଜାର ଟଙ୍କା ଘର ତିଆରି ବାବଦକୁ ପ୍ରଦାନ କରୁଥିଲେ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
