ଭୁବନେଶ୍ବର: ପୁଣି ବିଜୁ ପକ୍କା ଘର ଯୋଜନାର କେଳେଙ୍କାରୀ ସାମନାକୁ ଆସିଛି । ନାମ ଫଳକରେ ଛୋଟବଡ଼ ଅସମାନତା ନେଇ ଗୁରୁତର ଅଭିଯୋଗ ଆଣିଛି ବିଜେପି । ଏ ନେଇ ଦଳ ରାଜ୍ୟପାଳଙ୍କ ନିକଟରେ ଫେରାଦ ହୋଇ ଫଳକରେ କେବଳ ପ୍ରଧାନମନ୍ତ୍ରୀ ଆବାସ ଯୋଜନା ଲେଖିବା ପାଇଁ ଦାବି କରିଛି ।
ବିଜୁ ପକ୍କା ଘର ଯୋଜନା କେଳେଙ୍କାରୀ ପ୍ରସଙ୍ଗ, ରାଜ୍ୟପାଳଙ୍କୁ ଭେଟିଲା ବିଜେପି
ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ କେନ୍ଦ୍ର ରାଜ୍ୟକୁ ଅର୍ଥ ଯୋଗାଇ ଆସୁଛି । ସେହି ଅର୍ଥରେ ହିତାଧିକାରୀଙ୍କୁ ଘର ଯୋଗାଇ ଦିଆଯାଇ ବିଜୁ ପକ୍କା ଘର ଯୋଜନା ଫଳକ ଲଗାଯାଉଛି । ରାଜ୍ୟ ସରକାର କେନ୍ଦ୍ର ସରକାରଙ୍କ ଯୋଜନାକୁ ହଡପ କରାଯାଉଛି ବୋଲି ବିଜେପି ଅଭିଯୋଗ ଆଣିଛି ।
କେନ୍ଦ୍ର ସରକାର ପ୍ରଧାନମନ୍ତ୍ରୀ ଆବାସ ଯୋଜନାରେ 60 ପ୍ରତିଶତ ଅର୍ଥ ଦିଆଯାଉଥିଲେ ମଧ୍ୟ ଫଳକରେ ଏହି ଯୋଜନାର ନାମକୁ ଛୋଟ ଅକ୍ଷରରେ ଲେଖାଯାଉଛି ବୋଲି ବିଜେପି ଅଭିଯୋଗ ସହ ପ୍ରମାଣ ଦାଖଲ କରିଛି । ତେବେ ଫଳକରେ କେବଳ ପ୍ରଧାନମନ୍ତ୍ରୀ ଆବାସ ଯୋଜନା ଲେଖିବା ପାଇଁ ବିଜେପି ରାଜ୍ୟପାଳଙ୍କୁ ଭେଟି ଦାବି କରିଛି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
