ଭୁବନେଶ୍ବର: ସରିଛି ବିଜେପୁର ନିର୍ବାଚନ ପ୍ରସ୍ତୁତି । ସରିଛି ପ୍ରଚାର । ଲାଗିଲା କଟକଣା। ବାହାରୁ ଆସିଥିବା ସମସ୍ତ ନେତାଙ୍କୁ ନିର୍ବାଚନ ମଣ୍ଡଳୀ ଛାଡିବା ପାଇଁ ନିର୍ଦ୍ଦେଶ ଦିଆଯାଇଛି । ନଚେତ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଉପନିର୍ବାଚନରେ ଲାଟେଷ୍ଟ ଟେକ୍ନୋଲୋଜି ଇଭିଏମ ହେଉଛି ବ୍ୟବହାର ।
243ଟି ସ୍ଥାନରେ 285 ଟି ବୁଥରେ ହେବ ଭୋଟ ଗ୍ରହଣ । ସେହପିର 2 ଲକ୍ଷ 32 ହଜାର 264 ଜଣ ମତଦାତା କରିବେ ମତ ସାବ୍ୟସ୍ତ । ସେଥିମଧ୍ୟରୁ ପୁରୁଷ ଅଛନ୍ତି 1 ଲକ୍ଷ 20 ହଜାର 135 ଓ 1 ଲକ୍ଷ 2 ହଜାର 114 ଅଛନ୍ତି ମହିଳା ଭୋଟର ।
ସେହିପରି 129ଟି ବୁଥ ଉତ୍ତେଜନା ପ୍ରବଣ ରହିଥିବା ବେଳେ, 6 ଟି ବୁଥ ଅତି ସମ୍ବେଦନଶୀଳ ଓ ନକ୍ସଲ ପ୍ରବଣ ବୁଥ, ରହିଛି । ସେଥିପାଇଁ 32 ଜଣ ସେକ୍ସନ ଅଫିସର ନିଯୁକ୍ତ ହୋଇଛନ୍ତି । 10 ଜଣ ଟେକ୍ନିକାଲ ଅଫିସର ନିଯୁକ୍ତ ହୋଇଛନ୍ତି । ଅନ୍ୟପଟେ 28ଟି ବୁଥରେ ୱେବ କାଷ୍ଟିଂ, 14ଟି ବୁଥରେ ସିସିଟିଭି, 16ଟି ବୁଥରେ ହେବ ଭିଡିଓଗ୍ରାଫି ବ୍ୟବସ୍ଥା ରହିଥିବା ବେଳେ ଦିବ୍ୟାଙ୍ଗ ଭୋଟରଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି।
ଘରୁ ବୁଥକୁ ଆଣିବା ପାଇଁ ହୋଇଛି ବହନ ବ୍ୟବସ୍ଥା । 570 ସ୍ବେଚ୍ଛାସେବୀ ମୁତୟନ ରହିବେ। ବିଜେପୁରର ଭୋଟର କାର୍ଡ ନଥିବା ଲୋକ ସେଠାରେ ରହିପାରିବେ ନାହିଁ । ଚଳିତ ନିର୍ବାଚନରେ ମ୍ୟାକ ୩ ଇଭିଏମ ବ୍ୟବହାର କରାଯାଇଛି । ଦିବ୍ୟାଙ୍ଗକୁ ଘରୁ ଆଣିବାର ବନ୍ଦୋବସ୍ତ ହୋଇଛି। ଏନେଇ ସୂଚନା ଦେଇଛନ୍ତି ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
