ଭୁବନେଶ୍ବର: ବିଜେପୁର ଉପନିର୍ବାଚନ ପାଇଁ ସ୍ଵୀକୃତିପ୍ରାପ୍ତ ରାଜନୈତିକ ଦଳର ନେତୃମଣ୍ଡଳୀଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାରଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଛି ।
ଉକ୍ତ ବୈଠକରେ ବିଜେପୁର ଉପନିର୍ବାଚନ ସମ୍ପର୍କରେ ସବିଶେଷ ତଥ୍ୟ ରଖିଥିଲେ ସିଇଓ । ଏଥିସହିତ ବିଜେପୁର ଉପନିର୍ବାଚନରେ ସମସ୍ତଙ୍କ ସହଯୋଗ କାମନା କରିଥିଲେ । ବିଜେପୁର ଉପନିର୍ବାଚନ ଘୋଷଣା ପରଠୁ ଆଦର୍ଶ ଆଚରଣ ବିଧି ଲାଗୁ ହୋଇଛି । ସାଧାରଣ ସ୍ଥାନରେ ପୋଷ୍ଟର ବ୍ୟାନର ନ ଲଗାଇବାକୁ ବାରଣ ହୋଇଛି ।
ସେହିପରି ନାମାଙ୍କନ ଦାଖଲ ଦିନ ଯଦି କୌଣସି ପ୍ରାର୍ଥୀ ବିରୋଧରେ ଅପରାଧିକ ମାମଲା ଥିବା ଜଣାପଡେ ତେବେ ପ୍ରାର୍ଥୀ ସେ ସମ୍ପର୍କରେ ସବିଶେଷ ତଥ୍ୟ ତିନି ଥର ବୈଦ୍ୟୁତିକ ଓ ଛାପା ଗଣମାଧ୍ୟମରେ ପ୍ରଚାର କରିବେ ବୋଲି ସିଇଓ କହିଛନ୍ତି । ମଙ୍ଗଳବାର ଆୟୋଜିତ ବୈଠକରେ ବିଜେପି ଓ ବିଜେଡିର ପ୍ରତିନିଧିମାନେ ସାମିଲ ହୋଇଥିଲେ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
