ଭୁବନେଶ୍ବର: ଲଘୁଚାପ ପ୍ରଭାବରେ ଉବୁଟୁବୁ ସ୍ମାର୍ଟସିଟି ଭୁବନେଶ୍ବର । ବିଭିନ୍ନ ସ୍ଥାନରେ ଜଳବନ୍ଦୀ ସମସ୍ୟା । ଭୀମଟାଙ୍ଗି ଅଞ୍ଚଳରେ ରାସ୍ତା ଉପରେ ଅଣ୍ଟାଏ ପାଣି ,ଏପରିକି ଘରେ ମଧ୍ୟ ପାଣି ପଶିଛି । ରାଜଧାନୀକୁ ସ୍ମାର୍ଟସିଟି କହି ସରକାର ବାଃ ବାଃ ନେଉଥିବାବେଳେ ଏ ହେଉଛି ରାଜଧାନୀର ନିଛକ ଦୃଶ୍ୟ । ଏପରି ଭାବେ ସମାଲୋଚନା କରି ସରକାରଙ୍କୁ କଟାକ୍ଷ କରିଛନ୍ତି ବରିଷ୍ଠ କଂଗ୍ରେସ ନେତା ସୁର ରାଉତରାୟ ।
ଲଗାଣ ବର୍ଷାରେ ଉବୁଟୁବୁ ସ୍ମାର୍ଟସିଟି, ସରାରଙ୍କ ଉପରେ ବର୍ଷିଲେ ସୁର
ପ୍ରବଳ ଲଗାଣ ବର୍ଷା ଫଳରେ ରାଜଧାନୀର ବିଭିନ୍ନ ଅଞ୍ଚଳ ବର୍ତ୍ତମାନ ସୁଦ୍ଧା ମଧ୍ୟ ଜଳବନ୍ଦୀ ହୋଇ ରହିଛି । ଜିଜିପି କଲୋନୀ, ଭୀମଟାଙ୍ଗି, ବଡଗଡ଼, ରସୁଲଗଡ଼, ନୟାପଲ୍ଲୀ ଅଞ୍ଚଳ ଜଳମଗ୍ନ ରହିଛି । ସବୁଠି ପାଣି, କେଉଁଠି ଡ୍ରେନ ଉପରେ ପାଣି ଚାଲିଲାଣି ତ ଆଉ କେଉଁଠି ଘରେ ପଶିଲାଣି ପାଣି । ସରକାର ସ୍ମାର୍ଟସିଟି ପାଇଁ ବାଃ ବାଃ ନେଉଛନ୍ତି କିନ୍ତୁ ଅସଲ ଚିତ୍ର ଲୋକେ ଭୋଗୁଛନ୍ତି ବୋଲି କହିଛନ୍ତି ସୁର ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
