ମକର ସଂକ୍ରାନ୍ତି: ଦେବାଦେବୀଙ୍କ ଷୋଡଶ ଉପଚାର ସହ ସ୍ବତନ୍ତ୍ର ଭୋଗ

ଭୁବନେଶ୍ବରରେ ମକର ସଂକ୍ରାନ୍ତି ଓ ପୋଙ୍ଗଲ ଉପଲକ୍ଷେ  ବିଭିନ୍ନ ମନ୍ଦିରରେ ନିତିଦିନିଆ ପୂଜା ବିଧି କରାଯାଇଛି। ମନ୍ଦିରରେ ସମସ୍ତ ଦେବଦେବୀଙ୍କ ଷୋଡ଼ଶ ଉପଚାର ସହ ଏକ ସ୍ବତନ୍ତ୍ର ଭୋଗ ଲାଗି କରାଯାଇଛି ।

ଭୁବନେଶ୍ବର: ଆରମ୍ଭ ହେଲା ମକର ସଂକ୍ରାନ୍ତି, ଲୋକେ ଖାଇଲେ ମକର ଚାଉଳ। ସୂର୍ଯ୍ୟ ଦକ୍ଷିଣାୟନ ରୁ ଉତ୍ତରାୟଣ ହେବା ଯୋଗୁଁ ମକର ସଂକ୍ରାନ୍ତି ହୋଇଥିବା କଥାରେ ରହିଛି। ଅନ୍ୟ ପଟେ 12ଟି ରାଶିର ଭିତରୁ ଧନୁ ରାଶିରୁ ମକର ରାଶିକୁ ସୂର୍ଯ୍ୟ ଗତି କରନ୍ତି ବୋଲି ପୌରାଣିକ କଥାରେ ରହିଛି ।

ଭୁବନେଶ୍ବରରେ ମକର ସଂକ୍ରାନ୍ତି ଓ ପୋଙ୍ଗଲ ଉପଲକ୍ଷେ ବିଭିନ୍ନ ମନ୍ଦିରରେ ନିତିଦିନିଆ ପୂଜା ବିଧି କରାଯାଇଛି। ମନ୍ଦିରରେ ସମସ୍ତ ଦେବଦେବୀଙ୍କ ଷୋଡ଼ଶ ଉପଚାର ସହ ଏକ ସ୍ବତନ୍ତ୍ର ଭୋଗ ଲାଗି କରାଯାଇଛି । ଯାହାକୁ ମକର ଚାଉଳ ବୋଲି କୁହାଯାଏ। ମକର ଚାଉଳର ସ୍ବତନ୍ତ୍ର ମାହାତ୍ମ୍ୟ ରହିଥିବାର କହିଛନ୍ତି ମନ୍ଦିର ପୂଜାରୀ। କଦଳୀ, ଅଦା, ଅରୁଆ ଚାଉଳ, ନଡ଼ିଆ, ଆଦି ଜିନିଷରେ ମକର ଚାଉଳ ତିଆରି ହୁଏ। କେବଳ ବର୍ଷରେ ଗୋଟିଏ ଦିନ ମକର ସଂକ୍ରାନ୍ତିରେ ହିଁ ଏହି ଭୋଗ ତିଆରି ହେଉଥିବାରୁ ମକର ଚାଉଳ କୁହାଯାଏ ।

ଭୁବନେଶ୍ବରରୁ ଶତରୂପା ସାମନ୍ତରାୟ,ଇଟିଭି ଭାରତ