ଭୁବନେଶ୍ବର: କୋଭିଡ କଟକଣା ମଧ୍ୟରେ ଶେଷ ହେଲା ଉପନିର୍ବାଚନ ମତଦାନ । ସନ୍ଧ୍ୟା ୬ଟା ସୁଦ୍ଧା ତିର୍ତ୍ତୋଲରେ ୬୯.୯ ପ୍ରତିଶତ ଏବଂ ବାଲେଶ୍ଵରରେ ୭୧ ପ୍ରତିଶତ ଭୋଟିଂ ହୋଇଥିଲା । ଏବେ ବି ୩୦ଟି ବୁଥରେ ବାଲେଶ୍ଵରରେ ଭୋଟିଂ ଚାଲିଛି । ସେହିପରି ତିର୍ତ୍ତୋଲରେ ୧୨୦ଟି ବୁଥରେ ଭୋଟିଂ ଚାଲିଛି । 'ମୋ ପୋଲ' ବେଳେ ଇଭିଏମରେ ଡିଫେକ୍ଟ ଦେଖାଦେଇଥିଲା । ୨ଟି ବାଲଟ, 19ଟି କଣ୍ଟ୍ରୋଲ ୟୁନିଟ, 15ଟି ଭିଭିପାଟ୍ ରିପ୍ଲେସ ହୋଇଥିଲା । ସେହିପରି ଭୋଟିଂ ସମୟରେ 2ଟି ବାଲାଟ, 2ଟି କଣ୍ଟ୍ରୋଲ ୟୁନିଟ ଏବଂ ୭ଟି ଭିଭିପାଟ୍ ରିପ୍ଲେସ ହୋଇଛି ।
ସମସ୍ତଙ୍କ ସହଯୋଗରେ ଉପନିର୍ବାଚନ ସମୟରେ କୌଣସି ହିଂସାକାଣ୍ଡ ହୋଇନାହିଁ । ସମସ୍ତେ କୋଭିଡ ନିୟମ ମାନିଛନ୍ତି । ଏଥିପାଇଁ ଅଧିକ ଭୋଟିଂ ହୋଇଛି ବୋଲି କହିଛନ୍ତି ମୁଖ୍ୟ ନିର୍ବାଚନ ଅଧିକାରୀ । ଏହାସହ ବିଭିନ୍ନ କୋଭିଡ୍ ଆକ୍ରାନ୍ତ କିମ୍ବା ଟେମ୍ପ୍ରଚର ଅଧିକ ଥିବା ବ୍ୟକ୍ତିବିଶେଷ ଶେଷରେ ଭୋଟ ଦେଇଛନ୍ତି । ସେମାନଙ୍କ ସଂଖ୍ୟା ବହୁତ କମ୍ ରହିଥିଲା । ପୋଲିଂ ପାର୍ଟିମାନେ ଇଭିଏମ ମେସିନକୁ ସିଲ କରି ଆରୋ ପାଖରେ ସବମିଟ କରିବେ ।
