ଭୁବନେଶ୍ବର: ଗଞ୍ଜାମ ଜିଲ୍ଲା ଆସିକାର ପୂର୍ବତନ ବିଧାୟକ ସରୋଜ ପାଢ଼ୀ ନିଖୋଜ । ଘଟଣାର ୩୬ ଘଣ୍ଟା ପରେ ମଧ୍ୟ ତାଙ୍କର କିଛି ଖୋଜ ଖବର ମିଳିନାହିଁ । ୧୨ ତାରିଖ ଗୁରବାର ଠାରୁ ନିଖୋଜ ନେଇ ପୁଅ ସଙ୍ଗୀତ ପାଢୀ କ୍ୟାପିଟାଲ ଥାନାରେ ଏତଲା ଦେଇଛନ୍ତି।ଗୁରବାର ସକାଳ ସାଢ଼େ ୮ଟାରୁ ଘରୁ ଯାଇ ଫେରିନାହାନ୍ତି ସରୋଜ ।
ସୂଚନାମୁତାବକ, ଗୁରବାର ସକାଳେ ୬୨ ବର୍ଷିୟ ସରୋଜ ୟୁନିଟ ୬ ରାଧାକୃଷ୍ନ ଏନକ୍ଲେଭ ଘରୁ ମର୍ଣ୍ଣିଓ୍ବାକରେ ବାହାରକୁ ଯାଇ ଆଉ ଫେରିନଥିଲେ । ଖୋଜାଖୋଜି କରି ନିରାଶ ହେବା ପରେ ଏ ସମ୍ପର୍କରେ ପୁଅ ସଙ୍ଗୀତ ପାଢୀ କ୍ୟାପିଟାଲ ଥାନାରେ ଏତାଲା ଦେଇଛନ୍ତି। ତେବେ ସେ କେଉଁ ଆଡେ ଗଲେ ସେନେଇ ଛାନଭିନ ଆରମ୍ଭ କରିଛି ପୋଲିସ । ୨୦୦୪ରେ କଂଗ୍ରେସ ଟିକେଟରେ ଆସିକାରୁ ଜିତିଥିଲେ ସରୋଜ।୨୦୦୪ରୁ ୨୦୦୯ପର୍ଯନ୍ତ ଆସ୍କାର ବିଧାୟକ ଭାବେ କାର୍ଯ୍ୟଭାର ତୁଲାଇଥିଲେ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
