ଭୁବନେଶ୍ବର: ଆପୋଲୋ ହସ୍ପିଟାଲସ ପକ୍ଷରୁ ପୋଷ୍ଟ କୋଭିଡ ରିକଭରି କ୍ଲିନିକ ଉନ୍ମୋଚନ । କୋଭିଡରୁ ଆରୋଗ୍ୟ ଲାଭ କରିଥିବା କିନ୍ତୁ ପରବର୍ତ୍ତୀ ସମୟରେ ଏହାର ପ୍ରଭାବ ଅନୁଭବଙ୍କ ଚିକିତ୍ସା ପାଇଁ ଆଗେଇ ଆସିଲେ ଭୁବନେଶ୍ୱର ଆପୋଲୋ ହସ୍ପିଟାଲ । ବୁଧବାର ଭୁବନେଶ୍ୱର ଆପୋଲୋ ହସ୍ପିଟାଲ ପକ୍ଷରୁ ପୋଷ୍ଟ କୋଭିଡ ରିକଭରି କ୍ଲିନିକ ଉନ୍ମୋଚନ ନେଇ ସାମ୍ବାଦିକ ସମ୍ମିଳନୀ । ସାମ୍ବାଦିକ ସମ୍ମିଳନୀରେ ପୋଷ୍ଟ କୋଭିଡ ରିକଭରି କ୍ଲିନିକର ଉପାଦେୟତା ନେଇ ଏହି ସମ୍ମିଳନୀରେ ସୂଚନା ଦେଲେ ଆପୋଲୋ ହସ୍ପିଟାଲସର ମୁଖ୍ୟ କାର୍ଯ୍ୟ ନିର୍ବାହୀ ସୁଧୀର ଦିଗଗୀକର ।
କୋଭିଡ ଆକ୍ରାନ୍ତ ପରେ ଶରୀରର ପ୍ରାୟ ସବୁ ଅଙ୍ଗକୁ ପ୍ରଭାବିତ କରିଥାଏ । ଷ୍ଟ୍ରୋକ ଏବଂ ମାୟୋକାର୍ଡିଆଲ ଇନ ଫର୍କ୍ସନ, ମଧୁମେହ ଓ ଉକ୍ତ ରକ୍ତଚାପ ଭଳି ସମସ୍ୟା ଗୁଡିକ କୋଭିଡ ପରବର୍ତ୍ତୀ ସିଣ୍ଡ୍ରୋମ ଅଂଶ । ତେଣୁ କୋଭିଡ ପରବର୍ତ୍ତୀ ସମୟରେ ରୋଗୀଙ୍କ ହଠାତ ମୃତ୍ୟୁ ହେବାର ଘଟଣା ସାମ୍ନାକୁ ଆସୁଛି ଏବଂ ଏଥି ମଧ୍ୟରୁ ଅଧିକାଂଶ ଘଟଣାର ଜଟିଳ କାର୍ଡିଆକ ସମସ୍ୟା ହେଉଛି, ତେଣୁ ପୋଷ୍ଟ କୋଭିଡ କ୍ଲିନିକ ଦ୍ୱାରା ଏହା ସହଜରେ ଚିକିତ୍ସିତ ହୋଇପାରିବେ ।
କୋଭିଡ-୧୯ କେବଳ ଫୁସଫୁସକୁ ଆକ୍ରମଣ କରେ ନାହିଁ ବରଂ ଶରୀରର ଅନ୍ୟ ଅଙ୍ଗକୁ ମଧ୍ୟ ପ୍ରଭାବିତ କରେ । ଏବଂ ପଛରେ ଛାଡି ଯାଏ ଦୀର୍ଘସ୍ଥାୟୀ ସ୍ୱାସ୍ଥ୍ୟ ସମସ୍ୟା । ହସ୍ପିଟାଲରେ ଏହି ପୋଷ୍ଟ କ୍ଲିନିକ ମାଧ୍ୟମରେ ତୁରନ୍ତ ଚିକିତ୍ସା କରାଯାଇ ସୁସ୍ଥ ହେବାରେ ସହାୟକ ହୋଇପାରିବ ବୋଲି ଆପୋଲୋ ହସ୍ପିଟାଲସର ବରିଷ୍ଠ ପଲମାଲୋଜି କଂସାଲଟାଣ୍ଟ ଡାକ୍ତର କାର୍ତିକ ଜେନା କହିଛନ୍ତି । ତେବେ ଏହି କ୍ଲିନିକରେ ଦୈନିକ ୨୦ ଜଣ ରୋଗୀଙ୍କୁ ଚିକିତ୍ସା କରାଯିବ । ଏଥିପାଇଁ ବିଶେଷଜ୍ଞ ଟିମ ବ୍ୟବସ୍ଥା କରାଯାଇଛି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
