ଭୁବନେଶ୍ବର: ଓଲିଉଡ଼ ଅଭିନେତା ବାବୁଶାନ ଓ ପତ୍ନୀ ତୃପ୍ତିଙ୍କ ବିବାଦ । ବୋହୂ ସହ ଥାନାରେ ପହଞ୍ଚିଲେ ବାବୁଶାନଙ୍କ ମା' ଅପରାଜିତା ମହାନ୍ତି । ସକାଳେ ଘଟିଥିବା ଘଟଣାକୁ ନେଇ ଖାରବେଳ ନଗର ଥାନାରେ ରିପୋର୍ଟ ଦେବାକୁ ପହଞ୍ଚିଛନ୍ତି ଶାଶୁବୋହୂ । ଫଳରେ ପୁଅ ବାବୁଶାନଙ୍କ ବିରୋଧରେ ଅପରାଜିତା ଯାଇଛନ୍ତି ବୋଲି ଚର୍ଚ୍ଚା ହେଉଛି ।
ଏହା ବି ପଢନ୍ତୁ- ଅଭିନେତ୍ରୀ ପ୍ରକୃତିଙ୍କୁ ମାଡ ମାରିଲେ ଚକଲେଟ ବୟଙ୍କ ପତ୍ନୀ ! ଥାନାରେ ମାମଲା
ତୃପ୍ତିଙ୍କ ସହ ଅପରାଜିତା ଓ ପରିବାର ଥାନାରେ ପହଞ୍ଚିଛନ୍ତି । ଆଜି ସକାଳେ ଭୁବନେଶ୍ଵର ଲକ୍ଷ୍ମୀସାଗର ବିଚ୍ ରାସ୍ତାରେ ପ୍ରକୃତି ଓ ବାବୁଶାନଙ୍କୁ ଏକ କାରରେ ଧରିଥିଲେ । ଏହାପରେ ଅଭିନେତ୍ରୀ ପ୍ରକୃତିଙ୍କ ସହ ବାବୁଶାନଙ୍କୁ ପିଟିଥିଲେ ପତ୍ନୀ ତୃପ୍ତି । ସୋସିଆଲ ମିଡିଆରେ ଏଭଳି କିଛି ଭିଡିଓ ଭାଇରାଲ ହେବାରେ ଲାଗିଛି । ଗତ ୨୦୨୦ ମସିହାରୁ ବାବୁଶାନ ଓ ପ୍ରକୃତିଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିବା ବେଳେ ସେମାନଙ୍କୁ ଅନେକ ଥର ତୃପ୍ତି ଏକାଠି ଧରିଥିବା କହିଛନ୍ତି ।
ଏହା ବି ପଢନ୍ତୁ- ରାସ୍ତା ଉପରେ ଷ୍ଟାର ୱାର, ପ୍ରକୃତି ମିଶ୍ରଙ୍କୁ ପିଟିଲେ ବାବୁଶାନଙ୍କ ପତ୍ନୀ
ଏହି ମାମଲାରେ ସେ ଶାଶୁଙ୍କ ସହିତ ଆଲୋଚନା କରନ୍ତି ଏବଂ ଶାଶୁ ଅପରାଜିତା ତାଙ୍କୁ ସହଯୋଗ କରିଥାନ୍ତି ବୋଲି ସେ କହିଛନ୍ତି । ପ୍ରକୃତିଙ୍କ ପିତାମାତାଙ୍କୁ ମଧ୍ୟ ସେ ପୂର୍ବରୁ ଏ ସମ୍ପର୍କରେ ଜଣାଇଥିବା କହିଛନ୍ତି । ଅନ୍ୟପଟେ ଘଟଣା ଘଟିବା ପରେ ପ୍ରକୃତି ମିଶ୍ରଙ୍କ ପିତାମାତା ଥାନାରେ ଏତଲା ଦେବା ପରେ ଏବେ ତୃପ୍ତି ମଧ୍ୟ ଥାନାରେ ପହଞ୍ଚିଛନ୍ତି ।
ଏ ନେଇ ଭୁବନେଶ୍ବର ଡିସିପି ପ୍ରତୀକ ସିଂ କହିଛନ୍ତି ଯେ, " ଖାରବେଳ ନଗର ଥାନାରେ ଦୁଇଟି ମାମଲା ରୁଜୁ ହୋଇଛି । ସକାଳୁ ଗୋଟିଏ ମାମଲା ରୁଜୁ ହୋଇଥିଲା । ସନ୍ଧ୍ୟାରେ ଆଉ ଗୋଟିଏ ମାମଲା ରୁଜୁ ହୋଇଛି । ସକାଳୁ ପ୍ରକୃତି ମିଶ୍ରଙ୍କ ମା' ଏତଲା ଦେଇଥିଲେ । ଅଭିଯୋଗ ଅନୁସାରେ ସ୍ପଟ ଭିଜିଟ କରି ତଦନ୍ତ ଆରମ୍ଭ ହୋଇଛି । ସନ୍ଧ୍ୟାରେ ତୃପ୍ତି ମହାନ୍ତିଙ୍କ ଅଭିଯୋଗ ଆଧାରରେ 506, 498 A ଦୁଇଟି ଦଫାରେ ମାମଲା ରୁଜୁ କରାଯାଇଛି । ସାକ୍ଷୀ ମାନଙ୍କ ବୟାନ ଓ ସିସିଟିଭି ଫୁଟେଜକୁ ଆଧାର କରି ତଦନ୍ତ କରାଯିବ । ଘଟଣାରେ ଯେଉଁ ମାନଙ୍କ ସମ୍ପୃକ୍ତି ଆସିବ ସେମାନଙ୍କୁ ତଦନ୍ତ ପରିସରଭୁକ୍ତ କରାଯିବ ।"
ଇଟିଭି ଭାରତ, ଭୁବନେଶ୍ବର
