ଭୁବନେଶ୍ବର: ଦୀର୍ଘ 3 ମାସ ପରେ ସରକନ୍ତରାର ଅନିଲ ଜେନା ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗିରଫ । ଅଭିଯୁକ୍ତ ଜଣଙ୍କ ବାଲୁଗାଁରେ ଲୁଚିଥିବା ବେଳେ ଗିରଫ କଲା କମିଶନରେଟ ପୋଲିସ । ହତ୍ୟାରେ ବ୍ୟବହୃତ ବନ୍ଧୁକ ହେଲା ସିଜ୍ । ତେବେ ଗତ ନଭେମ୍ବର ୭ ତାରିଖ ଖଣ୍ଡଗିରି ଥାନା ସରକନ୍ତରାରେ ହୋଇଥିଲା ହତ୍ୟାକାଣ୍ଡ । ଅନିଲ ଜେନାକୁ ଗୁଳି କରି ହତ୍ୟା କରିଥିବା ବେଳେ ବାପା ଅଭିମନ୍ୟୁ ଗୁରୁତର ଆହତ ହୋଇଥିଲେ ।
ଅନିଲ ଜେନା ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗିରଫ
ଜମିଜମା ବିବାଦକୁ ନେଇ ବାପି ଓରଫ ଭରତ ସାହୁ, ହାପି ଓରଫ ଦୁର୍ଗା ସାହୁ ଓ ରାଜା ବିଷୋୟୀ ତିନି ଜଣ ପଲସରରେ ଆସି ଗୁଳି କରିଥିଲେ । ପରେ 3 ସହଯୋଗୀଙ୍କ ଜରିଆରେ ଖସି ପଳାଇଥିଲେ । ତେବେ ପୂର୍ବରୁ ବାପି, ହାପି ସହ ପୁଲକ ହାତି, ଆଲୋକ ପ୍ରଧାନ, ଚିତ ପରିଜା ଗିରଫ ହୋଇଥିଲେ ଓ ଗୋଟିଏ ବନ୍ଧୁକ ଜବତ ହୋଇଥିଲା । ଏବେ ମୁଖ୍ୟ ଅଭିଯୁକ୍ତ ସରକନ୍ତରାର ରାଜା ବିଷୋୟୀ ଗିରଫ ପରେ କୋର୍ଟ ଚାଲାଣ କରିଛି କମିଶନରେଟ ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
