ଭୁବନେଶ୍ବର: ଫୁଟିଲା ବାଣ ଆଉ ଅଭିଯୁକ୍ତ ନେଲେ ପ୍ରାଣ । ଏୟାରଫିଲଡ ଥାନା ଅମରେଶ ନାୟକ ହତ୍ୟାକାଣ୍ଡ ବର୍ତ୍ତମାନ ଏଭଳି ସାଂଘାତିକ ମୋଡ ନେଇଛି। ଯାହାର ଖୁଲାସା କରିଛି କମିସନରେଟ ପୋଲିସ । ଦୁଇ ଗୋଷ୍ଠୀ ମଧ୍ୟରେ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ଘଟିଥିବା ପୋଲିସ କହିଛି । ଏନେଇ ୩ ଅଭିଯୁକ୍ତ ଶଙ୍କର ବସ୍ତିଆ, ଜଗଦିଶ ଗଜେନ୍ଦ୍ର ଓ ଜିତେନ୍ଦ୍ର ମଲିକକୁ ଗିରଫ କରି କୋର୍ଟ ଚାଲାଣ କରିଛି କମିସନରେଟ ପୋଲିସ।
ତେବେ ଶଙ୍କର ବସ୍ତିଆ ଓ ଅମରେଶ ନାୟକ ଉଭୟ ଗୋଟିଏ ଗୋଷ୍ଠିରେ ଥିଲେ । ପରବର୍ତ୍ତୀ ସମୟରେ ଅଲଗା ହେବା ପରଠୁ ଉଭୟଙ୍କ ମଧ୍ୟରେ ଗୋଷ୍ଠି ବିବାଦ ରହିଥିଲା । ତେବେ ୨୭ ତାରିଖ ରାତିରେ ଶଙ୍କର ଗୋଷ୍ଠୀର ପିଲା ଉପରେ ବାଣ ପଡିଯିବାରୁ ଏହା ଉଗ୍ରରୂପ ନେଇଥିଲା । ଯାହାକୁ ନେଇ ଶଙ୍କର ପାଖକୁ ଏକ ଫୋନ କଲ ଆସିବା ପରେ ଏ ଘଟଣା ଉଗ୍ରରୂପ ନେଇଥିଲା।
ବର୍ତ୍ତମାନ ପ୍ରଶ୍ନ ଉଠିଛି, କାହାର ସେହି ଫୋନ କଲ। ଯାହାର ଇସାରାରେ ଏଭଳି ହତ୍ୟାକାଣ୍ଡ ଘଟିଲା। ଦୁଇ ଗୋଷ୍ଠୀର କଳିରେ କିଏ ସେହି ତୃତୀୟବ୍ୟକ୍ତି। ଏହା ପଛରେ କୌଣସି ରାଜନୈତିକ ବ୍ୟଙ୍କି ସମ୍ପୃକ୍ତି ନାହିଁ ତ ଯାହା ଘଟଣାର ଦିଗକୁ ଏକ ଭିନ୍ନ ମୋଡ ଦେଇଛି।
ବାଣ ଫୁଟାକୁ କେନ୍ଦ୍ରକରି ଗଣ୍ଡଗୋଳ ପରେ ହତ୍ୟାକାଣ୍ଡର ରୂପ ନେଇଥିଲା। ହେଲେ ଘଟଣା ପଛରେ ଗୋଟିଏ ଫୋନ କଲ ସଂଘବଦ୍ଧ ହତ୍ୟାକାଣ୍ଡର ମୁଖ୍ୟ ସୁତ୍ରଧର ଥିଲା। ଏହା ପଛରେ ଜଣେ ହାଇପ୍ରୋଫାଇଲ ବ୍ୟକ୍ତିଙ୍କ ସମ୍ପୃକ୍ତି ଜଣାପଡିଥିବା ବେଳେ କିଏ ସେହି ବ୍ୟକ୍ତି, ଯାହାକୁ ଗିରଫ କରିବାକୁ ପଛଘୁଞ୍ଚା ଦେଉଛି କମିସନରେଟ ପୋଲିସ।
ସେପଟେ ଏହା ପଛରେ ପୂର୍ବତନ କର୍ପୋରେଟର ସମ୍ପୃକ୍ତି ରହିଥିବା ମୃତକ ଅମରେଶର ସାଙ୍ଗ ଅଭିଯୋଗ କରିଥିବା ବେଳେ କ'ଣ ପୋଲିସ ଏ ଘଟଣାକୁ ଚାପିବାକୁ ଉଦ୍ୟମ କରୁଛି କି? ଫୋନ କଲ ପଛରେ ପୂର୍ବତନ କର୍ପୋରେଟରଙ୍କ ଲିଙ୍କ ରହିଛି କି? ୧୦ ଦିନ ପରେ ଏବେବି ୧୦ ଅଭିଯୁକ୍ତ ଫେରାର ରହିବା ପୋଲିସ ପାରିବା ପଣିଆକୁ ନେଇ ଉଠିଛି ପ୍ରଶ୍ନ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
