ଭୁବନେଶ୍ବର: ପୌରନିର୍ବାଚନ ପାଇଁ ବିଜ୍ଞପ୍ତି ଆଜି (ସୋମବାର) ପ୍ରକାଶ ପାଇଛି । ଏହା ମଧ୍ୟରେ ତିନି ରାଜନୈତିକ ଦଳ ମଧ୍ୟ ପ୍ରସ୍ତୁତ ଜୋରଦାର ଆରମ୍ଭ କଲେଣି । ଏହି ପରିପ୍ରେକ୍ଷିରେ ବିଜେପିର ଭୁବନେଶ୍ବର ଜିଲ୍ଲା ସଭାପତି କହିଛନ୍ତି, ପୌର ପାଇଁ ୨୫ ପ୍ରତିଶତ ପ୍ରାର୍ଥୀ ସ୍ଥିର କରିସାରିଲାଣି ବିଜେପି ।
ଆଉ ୨ ଦିନରେ ସମସ୍ଥ ପ୍ରାର୍ଥୀ ଘୋଷଣା ହୋଇଯିବ । ତେବେ ପଞ୍ଚାୟତ ଫଳାଫଳ ପୌର ଉପରେ ପ୍ରଭାବ ରହିବନି । ପୌର ଭୋଟର ସବୁବେଳେ ବିଜେପି ସହ ଅଛନ୍ତି । ସହରାଞ୍ଚଳରେ ସରକାର ବିରୋଧରେ ଅନେକ ପ୍ରସଙ୍ଗ ରହିଛି । ରାସ୍ତା, ଡ୍ରେନେଜ ଆଦି ସମସ୍ୟା ନେଇ ଲୋକଙ୍କ ପାଖକୁ ଯିବ ବୋଲି କହିଛି ବିଜେପି ।
ସେହିପରି ବିଜେଡି ବିଧାୟକ ଅନନ୍ତ ନାରାୟଣ ଜେନା କହିଛନ୍ତି, ପଞ୍ଚାୟତ ପରେ ପୌରରେ ରେକର୍ଡ ବିଜୟ ଲକ୍ଷ୍ୟରେ ବିଜେଡ଼ି । କେବଳ ନିର୍ବାଚନ ଆସିଲେ ନୁହେଁ ବିଜେଡ଼ି ସବୁବେଳେ ପ୍ରସ୍ତୁତ ଥାଏ । ଆମେ ଲୋକଙ୍କ ପାଖରେ ସବୁବେଳେ ତାହା ପ୍ରମାଣିତ ହୋଇ ସାରିଛି । ଆମେ ସମ୍ପୂର୍ଣ୍ଣ ପ୍ରସ୍ତୁତ, ଅପେକ୍ଷା ମୁଖ୍ୟମନ୍ତ୍ରୀ ଅନୁମୋଦନ କଲେ ପ୍ରାର୍ଥୀ ତାଲିକା ଆସିଯିବ ବୋଲି ସେ କହିଛନ୍ତି ।
ଅନ୍ୟପଟେ କଂଗ୍ରେସ ମଧ୍ୟ ନିଜେ ଭଲ ପ୍ରଦର୍ଶନ କରିବ ବୋଲି ଦୃଢୋକ୍ତି ପ୍ରକାଶ କରିଛି । ପୌର ନିର୍ବାଚନରେ ଭଲ ପ୍ରଦର୍ଶନ କରିବା କରିବା ସହ ଭୁବନେଶ୍ଵର, କଟକ ସହର ପାଇଁ କଂଗ୍ରେସ କାମ କରିଛି ବୋଲି ସୁର କହିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
