ଭୁବନେଶ୍ବର:କୋରୋନାରୁ ରକ୍ଷା ପାଇବା ପାଇଁ ସମସ୍ତ ଟିକାକୁ ଚାହିଁ ବସିଥିବାବେଳେ ସରକାର ମଧ୍ୟ ଏଥିପ୍ରତି ସଜାଗ ଅଛନ୍ତି । ଟିକା ଦେବା ପୂର୍ବରୁ ଏହାର ଡ୍ରାଏ ରନ କରିବାକୁ ରାଜ୍ୟ ସରକାର ଅପେକ୍ଷା କରିଛନ୍ତି । ତେବେ ଏହା କେନ୍ଦ୍ର ସରକାର ଅନୁମତି ଦେବା ପରେ ଆରମ୍ଭ ହେବ ବୋଲି ଡିଏମଇଟି ନିର୍ଦ୍ଦେଶକ ଡାକ୍ତର ସିବିକେ ମହାନ୍ତି କହିଛନ୍ତି ।
ଡ୍ରାଏ ରନ(DRY RUN)ର ଅନୁମତି କେନ୍ଦ୍ର ସରକାର ଦିଅନ୍ତି। ସେମାନେ ଏଯାଏଁ କେବଳ 4ଟି ରାଜ୍ୟକୁ ଅନୁମତି ଦେଇଛନ୍ତି। ଓଡିଶାର ପାଳି ପଡିନି। ଆମେ ପ୍ରସ୍ତୁତ ଅଛୁ ବୋଲି ସେ କହିଛନ୍ତି ।
ସେହିପରି ଭାରତକୁ ଏଯାଏଁ ଦ୍ଵିତୀୟ କୋରୋନା ଲହରୀ ଆସିନି। ଏପରିକି ଭାରତ ଆଖପାଖ ଦେଶରେ ବି ହୋଇନି। ଚାଇନାରେ ବି ହୋଇନି। କେବଳ ୟୁରୋପୀୟ ଦେଶ ଓ ଆମେରିକାରେ ହୋଇଛି ବୋଲି ସେ ଦର୍ଶାଇଛନ୍ତି ।
ସୂଚନାଥାଉକି, ଡ୍ରାଏ ରନ ହେଉଛି ଟିକା ପ୍ରସ୍ତୁତରୁ ଟିକା ଦେବା ଯାଏ ପ୍ରକ୍ରିୟା। ଟିକା ପ୍ରିକ୍ରିୟାର ପ୍ରାକ ଅଭ୍ୟାସ ସ୍ବରୂପ ଆନ୍ଧ୍ର ପ୍ରଦେଶ ସମେତ ଆସାମ, ଗୁଜରାଟ ଓ ପଞ୍ଜାବକୁ ଏହି ଅନୁମତି ମିଳିଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
