ଭୁବନେଶ୍ୱର: ଭୁବନେଶ୍ୱର ବିମାନବନ୍ଦରରେ ଏରୋବ୍ରିଜ ଉଦଘାଟନ କଲେ ସାଂସଦ ଅପରାଜିତା ଷଡ଼ଙ୍ଗୀ । ଭୁବନେଶ୍ୱର ସାଂସଦ ତଥା ବିଜେପି ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡ଼ଙ୍ଗୀ ଆଜି(ସୋମବାର) ଭୁବନେଶ୍ୱର ଅନ୍ତର୍ଜାତୀୟ ବିମାନବନ୍ଦର ଠାରେ 5 କୋଟି 42 ଲକ୍ଷ ବ୍ୟୟ ଅଟକଳରେ 2ଟି ଏରୋବ୍ରିଜ ଉଦଘାଟନ କରିଛନ୍ତି ।
ଏହି ଅବସରରେ ଭୁବନେଶ୍ବରରୁ 3ଟି ସ୍ଥାନକୁ ସିଧା ବିମାନ ଉଡାଣ ପାଇଁ କେନ୍ଦ୍ରମନ୍ତ୍ରୀଙ୍କୁ ଅପରାଜିତା ଚିଠି ଲେଖିଥିବା କହିଛନ୍ତି । ଭୁବନେଶ୍ବରରୁ ଜାମ୍ମୁ, ଗୌହାଟୀ ଏବଂ ଶିରିଡ଼ି ପର୍ଯ୍ୟନ୍ତ ବିମାନ ଉଡାଣ ପାଇଁ ଚିଠି ଲେଖିଥିବା କହିଛନ୍ତି ଅପରାଜିତା ।
ସେହିଭଳି ଦେଶର ଶ୍ରେଷ୍ଠ 10 ବିମାନବନ୍ଦର ମଧ୍ୟରେ ଭୁବନେଶ୍ବର ଥିବାରୁ ଖୁସି ବ୍ୟକ୍ତ କରିଛନ୍ତି ଅପରାଜିତା । ଏହା ସମସ୍ତ ଯାତ୍ରୀଙ୍କୁ ଉଭୟ ସୁରକ୍ଷା ଏବଂ ସୁବିଧା ସମୟ ଦୃଷ୍ଟିକୋଣରୁ ଆଗ ଅପେକ୍ଷା ସହଜ ହେବ l
ଏହି କାର୍ଯ୍ୟକ୍ରମରେ ବିମାନବନ୍ଦର ନିର୍ଦ୍ଦେଶକ ଶ୍ରୀ ବେଉରିଆ ଓ ସମସ୍ତ କର୍ତ୍ତୃପକ୍ଷଙ୍କ ସମେତ ନେତୃବୃନ୍ଦ ଉପସ୍ଥିତ ଥିଲେ l
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
