ଭୁବନେଶ୍ବର: ଆଦିତ୍ୟ ଦାସ ହତ୍ୟା ମାମଲାରେ ନୂଆ ମୋଡ । ଆଦିତ୍ୟଙ୍କ ପତ୍ନୀ ବିଦ୍ୟାଶ୍ରୀଙ୍କୁ ର୍ଦୁବ୍ୟବହାର ଅଭିଯୋଗ ।
ଘଟଣାକୁ ଚିତ୍ରଣ କରି ସୋସିଆଲ ମିଡିଆରେ ଚରିତ୍ର ସଂହାର ସହ ମିଥ୍ୟା ତଥ୍ୟ ଦେଇ ମାମଲାକୁ ଦିଗହରା କରିବା ଏବଂ ଜଣେ ନାରୀକୁ ଅପରାଧୀ ସଜେଇବା ନେଇ ସାଙ୍ଘାତିକ ଅଭିଯୋଗ ଆଣିଛନ୍ତି ପତ୍ନୀ ବିଦ୍ୟାଶ୍ରୀ । ଏନେଇ ଶୁଭାଶିଷ ଷଡଙ୍ଗୀଙ୍କ ବିରୋଧରେ ଥାନାରେ ଅଭିଯୋଗ କରିଛନ୍ତି ବିଦ୍ୟାଶ୍ରୀ । ଏହାକୁ ନେଇ ଗତ ଅଗଷ୍ଟ 7 ତାରଖରେ ଏୟାରଫିଲ୍ଡ ଥାନାରେ ମାମଲା ରୁଜୁ ହୋଇଥିବା ବେଳେ ଉକ୍ତ ବ୍ୟକ୍ତି ଜଣକ ଅନ୍ତରୀଣ ଜାମିନରେ ଅଛନ୍ତି ।
ତେବେ କୋର୍ଟଙ୍କ ସର୍ତ୍ତକୁ ଉଲଙ୍ଘନ କରିଥିବା ଏହି ବ୍ୟକ୍ତିଙ୍କ ଜାମିନ ଖାରଜ କରିବାକୁ ଥାନାର ଦ୍ବାରସ୍ଥ ହୋଇଛନ୍ତି ବିଦ୍ୟାଶ୍ରୀ । ଏହାସହ ଆଦିତ୍ୟ ମୃତ୍ୟୁକୁ ନେଇ କ୍ରାଇମବ୍ରାଞ୍ଚ ତଦନ୍ତ କରୁଛି । ହେଲେ ଏଯାବତ ହତ୍ୟାକାଣ୍ଡର ପୁରା ପ୍ରମାଣ ପାଇନି । ତେବେ କ୍ରାଇମବ୍ରାଞ୍ଚ ଷ୍ଟାଟସ ରିପୋର୍ଟ ଦାଖଲ କରୁ ପରେ ଏହାର ସତ ସାମ୍ନାକୁ ଆସିବ ବୋଲି ବିଦ୍ୟାଶ୍ରୀ କହିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
