ଭୁବନେଶ୍ବର: ରାଜ୍ୟରେ ଶନିବାର ସୁସ୍ଥ ହୋଇଛନ୍ତି 728 ଜଣ ଆକ୍ରାନ୍ତ । ରାଜ୍ୟରେ କୋରୋନା ସୁସ୍ଥ ସଂଖ୍ୟା 15,928 ଛୁଇଁଛି । ସୂଚନା ମୁତାବକ ରାଜ୍ୟରେ ଶନିବାର 25ଟି ଜିଲ୍ଲାରୁ 728 ଜଣ ସୁସ୍ଥ ହୋଇଛନ୍ତି ।
ଏମାନଙ୍କ ମଧ୍ୟରୁ ଗଞ୍ଜାମରେ ସର୍ବାଧିକ 391 ଜଣ ସୁସ୍ଥ ହୋଇଥିବା ଜଣାପଡିଛି । ସେହିପରି ଖୋର୍ଦ୍ଧାରେ 49, କଟକରେ 43, ବାଲେଶ୍ବରରେ 33, ଯାଜପୁରରେ 32, ଗଜପତିରେ 23, ମୟୂରଭଞ୍ଜରେ 19, ଅନୁଗୋଳରେ 18, ଜଗତସିଂହପୁର ଓ ନୟାଗଡରେ 17, ସମ୍ବଲପୁରରେ 11 ଓ ମାଲକାନଗିରିରେ 10 ଜଣ ସୁସ୍ଥ ହୋଇଛନ୍ତି । ଅନ୍ୟପଟେ ବରଗଡ, ଢେଙ୍କାନାଳ, କେନ୍ଦ୍ରାପଡା, ସୁନ୍ଦରଗଡ ଓ ପୁରୀରେ 7 ଜଣ, ବଲାଙ୍ଗୀର, ଝାରସୁଗୁଡା ଓ ସୋନପୁରରେ 5 ଜଣ, ଭଦ୍ରକ ଓ ନବରଙ୍ଗପୁରରେ 4 ଜଣଙ୍କ ସମେତ କୋରାପୁଟରେ 3 ଜଣ ଏବଂ ବୌଦ୍ଧ ଓ କେନ୍ଦୁଝରରେ 2 ଜଣ ସୁସ୍ଥ ହୋଇଥିବା ଜଣାପଡିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
