ଭୁବନେଶ୍ବର: ଦ୍ବିନ ଦିପହରେ ଯୁବକଙ୍କୁ ଗୋଡାଇ ଗୋଡାଇ ହତ୍ୟା । କ୍ୟାମେରାରେ କଏଦ ହେଲା ଲାଇଭ ମର୍ଡର । ଗତ ଶୁକ୍ରବାର ଜଣେ ଯୁବକଙ୍କୁ ଖଣ୍ଡାରେ ଗୋଡାଇ ଗୋଡାଇ ହତ୍ୟା କରାଯାଇଛି । ଏଭଳି ଏକ ବିଭତ୍ସ ହତ୍ୟାକାଣ୍ଡ ଘଟିଛି ବାଲିଅନ୍ତା ଥାନା ଅଟଳାଗଡା ଅଞ୍ଚଳରେ । ଯୁବକ ଜଣଙ୍କ ଲକ୍ଷ୍ମୀସାଗର ଶବର ସାହିର ପ୍ରିତମ ରାଉତରାୟ ବୋଲି ଜଣାପଡିଛି ।
ଅପରାହ୍ଣ ପ୍ରାୟ ସାଢେ 5ଟା ସମୟରେ । ନିକଟରେ ଥିବା ଏକ ଆପାର୍ଟମେଣ୍ଟ ମଧ୍ୟରୁ ଜଣେ ଯୁବକ(ମୃତକ ପ୍ରିତମ) ବାହାରୁଥାନ୍ତି । ଏହି ସମୟରେ ନିକଟରେ ଅପେକ୍ଷା କରିଥିବା ଜଣେ ଯୁବକ ଏକ ଧାରୁଆ ଅସ୍ତ୍ର ମାଧ୍ୟମରେ ବାହାରୁଥିବା ଯୁବକଙ୍କୁ ଆକ୍ରମଣ କରିଥିଲେ । ଏହି ଦୃଶ୍ୟକୁ ସମସ୍ତେ ଦେଖୁଥିଲେ ମଧ୍ୟ ସମସ୍ତେ ନିରବ ରହିଥିବା ସିସିଟିଭି ଫୁଟେଜରେ ଦେଖିବାକୁ ମିଳିଛି ।
ଏହି ଫୁଟେଜକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଛି । ହତ୍ୟାକାରୀକୁ ଚିହ୍ନଟ କରିଥିବା ବେଳେ ହତ୍ୟା ଘଟଣାର ପ୍ରକୃତ କାରଣ ଅସ୍ପଷ୍ଟ ରହିଛି । ଘଟଣାରେ ପୋଲିସ ଜଣକୁ ଅଟକ ରଖି ପଚରାଉଚୁରା ରଖିଛି ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
