ଭୁବନେଶ୍ବର: ରାଜ୍ୟରେ ଖସୁଛି ଦୈନିକ ସଂକ୍ରମଣ । ଦିନକୁ ଦିନ କମୁଛି ପଜିଟିଭ ସଂଖ୍ୟା । ଗତ 24 ଘଣ୍ଟା ମଧ୍ୟରେ ରାଜ୍ୟରେ 986କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା 9 ଲକ୍ଷ 99 ହଜାର 173ରେ ପହଞ୍ଚିଛି । ତେବେ ଆଜି ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ 574 ଜଣ କ୍ବାରେଣ୍ଟାଇନରୁ ହୋଇଥିବା ବେଳେ 412 ସ୍ଥାନୀୟ ସଂକ୍ରମଣ ରହିଛି । ସେମାନଙ୍କ ମଧ୍ୟରୁ 128 ଜଣ ୦- ୧୮ ବର୍ଷ ବୟସର ପିଲାମାନେ ମଧ୍ୟ ରହିଛନ୍ତି । ସଂକ୍ରମିତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ 373 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଏହାସହ ଅନୁଗୁଳରୁ 24, ବାଲେଶ୍ବରରୁ 25,ବରଗଡରୁ 1, ଭଦ୍ରକରୁ 14, ବଲାଙ୍ଗୀରରୁ 17, କଟକରୁ 139 , ଦେବଗଡ଼ରୁ 9, ଢେଙ୍କାନାଳରୁ 15, ଗଜପତିରୁ 1, ଗଞ୍ଜାମରୁ 8, ଜଗତସିଂହପୁରରୁ 45, ଯାଜପୁରରୁ 49, କଳାହାଣ୍ତିରୁ 6, କନ୍ଧମାଳରୁ 12, କେନ୍ଦ୍ରାପଡ଼ାରୁ 23, କେନ୍ଦୁଝରରୁ 13, କୋରାପୁଟରୁ ୩, ମାଲକାନଗିରିରୁ 1, ମୟୂରଭଞ୍ଜରୁ 32, ନୟାଗଡ଼ରୁ 20, ନବରଙ୍ଗପୁରରୁ 6 ,ପୁରୀ 32, ରାୟଗଡ଼ାରୁ 4, ସମ୍ବଲପୁରରୁ 15, ସୋନପୁରରୁ 1, ସୁନ୍ଦରଗଡ଼ରୁ 13 ଏବଂ ଷ୍ଟେଟ ପୁଲ୍ରୁ 85 କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି ।
ସୂଚନାଯୋଗ୍ୟ ଯେ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ 9 ଲକ୍ଷ 99 ହଜାର 173 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । 1003 ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଯାହାକୁ ମିଶାଇ ମୋଟ ସୁସ୍ଥ ସଂଖ୍ୟା 9 ଲକ୍ଷ 82 ହଜାର 319କୁ ବୃଦ୍ଧି ପାଇଛି । ତେବେ ଏବେ ସୁଦ୍ଧା ରାଜ୍ୟରେ 1 କୋଟି 73 ଲକ୍ଷ 44 ହଜାର 608 ସାମ୍ପୁଲ ଟେଷ୍ଟ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
