ଭୁବନେଶ୍ବର: ଆରମ୍ଭ ହୋଇଛି ୬୮ତମ ସର୍ବଭାରତୀୟ ପୋଲିସ ହକି ଚମ୍ପିଆନସିପ୍। ଭୁବନେଶ୍ବର ୭ମ ବାଟାଲିୟନରେ ଏହି ସମ୍ମାନଜନକ ଟୁର୍ଣ୍ଣାମେଣ୍ଟର ଉଦଘାଟନ କରିଛନ୍ତି ପୋଲିସ ଡିଜି ଆଇପିଏସ ଅଭୟ। ଏହି ମ୍ୟାଚ କଳିଙ୍ଗ ଷ୍ଟାଡିୟମରେ ଖେଳାଯିବ। ସର୍ବଭାରତୀୟ ସ୍ତରରେ ୨୫ଟି ଟିମର ପ୍ରାୟ ୫୦୦ ଖେଳାଳି ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିଛନ୍ତି।
ପ୍ରଥମ ମ୍ୟାଚରେ ମୁହାଁମୁହିଁ ହୋଇଛନ୍ତି ୮ଟି ଟିମ୍ । ସଶସ୍ତ୍ର ସୀମା ବଳ ସହ ଗୁଜୁରାଟ ପୋଲିସ । ମଧ୍ୟପ୍ରଦେଶ ପୋଲିସ ସହ ଛତିଶଗଡ ପୋଲିସ। ତାମିଲନାଡ଼ୁ ପୋଲିସ ସହ ମଣିପୁର ପୋଲିସ ଓ ରାଜସ୍ଥାନ ପୋଲିସ ସହ ଉତ୍ତରାଖଣ୍ଡ ପୋଲିସ ହକି ଟିମର ମ୍ୟାଚ ରହିଛି।
ଭିଡିଓ ସୌଜନ୍ୟ: ସମ୍ବାଦଦାତା ଭୁବନେଶ୍ବର
ନକ ଆଉଟ ଭିତ୍ତିରେ ଖେଳାଯିବ ମ୍ୟାଚ । କ୍ବାଟରଫାଇନାଲ ଓ ସେମିଫାଇନାଲ ପରେ ୨୪ ତାରିଖରେ ଫାଇନାଲ ଖେଳାଯିବ । ପୋଲିସ ହକିର ଆକର୍ଷଣ ସାଜିବେ ଟିମ ଇଣ୍ଡିଆ ହକି କ୍ୟାପଟେନ ମନପ୍ରିତ ସିଂ । ପଞ୍ଜାବ ପୋଲିସ ପକ୍ଷରୁ ପ୍ରଥମ ମ୍ୟାଚ ଖେଳିବା ନେଇ ସମ୍ଭାବନା ରହିଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
