ଭୁବନେଶ୍ବର: 5 ଟ୍ରିଲିୟନ ଡଲାର ଅର୍ଥନୀତିରେ ପହଞ୍ଚିବାକୁ ହେଲେ ପ୍ରତିବର୍ଷ ଆମ ଅର୍ଥନୀତିରେ 12 ପ୍ରତିଶତ ବୃଦ୍ଧି କରିବାକୁ ହେବ ବୋଲି ଏସବିଆଇ ମୁଖ୍ୟ କାର୍ଯ୍ୟାଳୟ ଭୁବନେଶ୍ବରର ଏଜିଏମ ରବିନ କଲା କହିଛନ୍ତି । ଅର୍ଥନୀତିକୁ ସୁଦୃଢ କରିବାକୁ ପ୍ରଥମ ଥର ପାଇଁ ସମସ୍ତ ଘରୋଇ ବ୍ୟାଙ୍କମାନଙ୍କ ଦ୍ବାରା 17 ଓ 18 ତାରିଖ ଦୁଇ ଦିନ ଧରି ଆଞ୍ଚଳିକ ସ୍ତରରେ ଏକ ବୈଠକ ହୋଇଥିଲା ବୋଲି ସେ ପ୍ରକାଶ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ବିଭିନ୍ନ ବ୍ୟାଙ୍କରେ ଗତ 5 ବର୍ଷ ମଧ୍ୟରେ ହୋଇଥିବା କାରବାର ସଂପର୍କରେ ଆଲୋଚନା ହୋଇଥିଲା । ସେତେବେଳ ଆର୍ଥିକ ବ୍ୟବସ୍ଥା କିପରି ଥିଲା ଓ ବର୍ତ୍ତମାନ କିପରି ରହିଛି ତାହାକୁ ଗୁରୁତ୍ବ ଦେବାକୁ ଏହି ବୈଠକରେ ଆଲୋଚନା ହୋଇଥିଲା । ଡିଜିଟାଲ ପେମେଣ୍ଟର ବୃଦ୍ଧି ଭଳି ବିଭିନ୍ନ ପଦକ୍ଷେପ ନେବାକୁ ଏଥିରେ କୁହାଯାଇଥିଲା ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
