ଭୁବନେଶ୍ବର: ଆଜି ଦିବଗଂତ କଂଗ୍ରେସ ନେତା ଲଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ଶ୍ରାଦ୍ଧ ବାର୍ଷିକୀ । ଏହି ଅବସରରେ ବ୍ୟାପକ କାର୍ଯ୍ୟକ୍ରମ ଆୟୋଜନ କରାଯାଇଛି । ସକାଳୁ ଲୁଲୁ ମହାପାତ୍ର ରାଜ୍ୟସ୍ତରୀୟ କମିଟି ପକ୍ଷରୁ ସମୂହ ତିଳତର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।
ଲୁଲୁ ମହାପାତ୍ରଙ୍କ ଶ୍ରାଦ୍ଧ ବାର୍ଷିକୀ
କୁଆଖିଆ ନଦୀ ପଠାରେ ଆୟୋଜିତ ଏହି କାର୍ଯ୍ୟକ୍ରମରେ ଅନେକ ଲୋକ ସାମିଲ ହୋଇ ଲୁଲୁଙ୍କୁ ସ୍ମରଣ କରିଥିଲେ । ସମସ୍ତ ଯୁବ ସମାଜ ପାଇଁ ସେ ଏକ ଉଦାହରଣ ସାଜିଛନ୍ତି ବୋଲି ସମସ୍ତେ ମତ ରଖିଥିଲେ ।
ସୂଚନାଥାଉକି, 2016 ମସିହା ନଭେମ୍ବର 6 ତାରିଖରେ ତାଙ୍କର ଦେହାନ୍ତ ହୋଇଥିଲା । ସେ ତିନିଥର ବ୍ରହ୍ମଗିରିରୁ ବିଧାୟକ ରୂପେ ନିର୍ବାଚିତ ହୋଇଥିଲେ । ଏହାସହ କଂଗ୍ରେସର ଅନେକ ପଦପଦବୀରେ ରହି ସୂଚାରୁରୂପେ ନିଜ କାର୍ଯ୍ୟ ସମ୍ପାଦନା କରି ନିଜକୁ ସୁପରିଚିତ କରିଥିଲେ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
