ଭୁବନେଶ୍ବର: ପଣ୍ଡ ହେଲା ଚୋରାରେ ଗଞ୍ଜେଇ ଚାଲାଣ କାରବାର । ଚାଲାଣ ପୂର୍ବରୁ ହେଲା ଜବତ। ଲିମାମୋଡା ଓଭର ବ୍ରିଜ ନିକଟରୁ ଜବତ କଲା ଏସଟିଏଫ। ରାଜ୍ଯ ରାଜପଥ ୩୨୬ କଡରେ ବସ୍ତାରେ ରହିଥିବା ବେଳେ ଧରିଲେ ଏସଟିଏଫ ଅଧିକାରୀ। ୩୦୨ କେଜିର ଗଞ୍ଜେଇ ବୋଝେଇ ବସ୍ତାକୁ ଜବତ କରିଛନ୍ତି ଟିମ୍।
ରାୟଗଡା ଜିଲ୍ଲା ଗୁଣୁପୁର ପୋଲିସ ଷ୍ଟେସନ ଅନ୍ତର୍ଗତ ଲିମାମୋଡା ନିକଟରେ ଆୟୁବ ଶବର ନାମକ ବ୍ଯକ୍ତି ଚାଲାଣ ପାଇଁ ପ୍ରସ୍ତୁତ ବେଳେ ଗିରଫ କରିଥିଲା ଏସଟିଏଫ ଟିମ୍। ତେବେ ଗଞ୍ଜେଇ ଚିନି ଅଖାରେ ବୋଝେଇ ହୋଇ ରଖାଯାଇଥିବାବେଳେ ଏହାକୁ ଜବତ କରାଯାଇଛି । ରପ୍ତାନି ପୂର୍ବରୁ ଆୟୁବଙ୍କୁ ଗିରଫ କରିଛି ଏସଟିଏଫ ଟିମ।
ତେବେ ପଟାସିଙ୍ଗା, ନୂଆଗାଁର ଆୟୁବ ଶବରକୁ ଏନଡିପିଏସ ଆକ୍ଟରେ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
