ଭୁବନେଶ୍ବର: ଗିରଫ ହେଲେ ଶିଖ ବ୍ୟବସାୟୀଙ୍କ ଆକ୍ରମଣକାରୀ। ମଙ୍ଗଳବାର ପରବିନ୍ଦର ପାଲ ନାମକ ବ୍ୟକ୍ତିଙ୍କୁ ଆକ୍ରମଣ କରି ଲହୁଲୁହାଣ କରିଥିଲେ ଦୁର୍ବୃତ୍ତ । ଗିରଫ ପରେ ସେମାନଙ୍କୁ କୋର୍ଟ ଚାଲାଣ କରିଛି କମିସନରେଟ ପୋଲିସ । ଏପଟେ ଏହି ମାମଲାରେ ଗିରଫ 3 ଅଭିଯୁକ୍ତଙ୍କୁ ଜାମିନ ମିଳିଥିବା ସୂଚନା ରହିଛି । ଭୁବନେଶ୍ବର ଏସଡିଜେଏମ୍ କୋର୍ଟ ଜାମିନ ପ୍ରଦାନ କରିଛନ୍ତି ।
ଅଭିଯୁକ୍ତ ମାନେ ହେଲେ ଲକ୍ଷ୍ମୀସାଗର ଅଞ୍ଚଳର ଦୀପକ ଜେନା, ଦୀପକ ମହାନ୍ତି, ଶଙ୍କର ରାଉତ। ତେବେ ମଙ୍ଗଳବାର ଲକ୍ଷ୍ମୀସାଗର ଥାନା ଝାରପଡା ଭଗବାନ ଟାୱାର ସମ୍ମୁଖରେ ପରବିନ୍ଦର ପାଲଙ୍କୁ ମରଣାନ୍ତକ ଆକ୍ରମଣ କରିଥିଲେ ଏମାନେ। ପାଖାପାଖି 6ରୁ 7 ଜଣ ଦୁର୍ବୃତ୍ତ ଆକ୍ରମଣ କରିଥିବା ବେଳେ ଘଟଣାରେ ଏପର୍ଯ୍ୟନ୍ତ ଅଭିଯୁକ୍ତ ଗିରଫ ହୋଇଛନ୍ତି।
ଗିରଫ ବ୍ୟକ୍ତିଙ୍କ ନାମରେ 3 ଦିନ ମଧ୍ୟରେ ଚାର୍ଜସିଟ ଦାଖଲ କରିବାକୁ ପୋଲିସ କମିସନର ନିର୍ଦ୍ଦେଶ ଦେଇଛନ୍ତି । ଯାହା ଦ୍ବାରା ଅଭିଯୁକ୍ତଙ୍କୁ କଡା ଦଣ୍ଡ ମିଳିବାରେ ସହାୟକ ହୋଇପାରିବ ବୋଲି ସୂଚନା ମିଳିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
